Kappasuttam Vhas Vises Chunni Sahiyam Part 01

SR No.: 007786
Original Sutra Author: Bhadrabahuswami, Sanghdasgani Kshamashraman
Publisher: Shubhabhilasha Trust
Publication Year: 2016
Total Pages: 504
Language: Prakrit
Classification: Book_Devnagari & agam_bruhatkalpa
File Size: 3 MB

Page 432

भासगाहा-२८९०-२९००] पढमो उद्देसो
३५१ सिद्धत्थग पुप्फे वा, एवं वुत्तुं पि निच्छुभइ पंतो । भत्तं वा पडिसेहइ, तिण्हऽणुसट्टाइ तत्थ इमा ॥२८९७॥ अणुसट्ठी धम्मकहा, विज्ज निमित्ते पभुत्तकरणं वा । परउत्थिगा व वसभा, सयं व थेरी व चउभंगो ॥२८९८॥
"एमादी०" ["अप्पत्ताण निमित्तं०" "कडजोगि०" "सिद्धत्थग०" "अणुसट्टी०"] गाहा । 'अणुकूले' त्ति आयरियस्स साहए णिग्गंतव्वं । वच्चंताणं सत्यंतेणं जाव सत्थं ण पावंति ताव निमित्तं भवइ । सत्थं पत्ताणं जं सत्थस्स निमित्तं भवइ न तत्थ निमित्तं गहणं साहूणं । संपट्ठिया सत्थेण समं तिन्नि परिसाओ करेंति-सीहा, वसभा, मिया । ते य साहूणो पढमं चेव सत्थाधिपई भणंति-अम्हे तुब्भेहिं समं वच्चामो जइ तुब्भे जोगवहणं वहह । तओ सो भणइ-सव्वो सत्थो काउं, एवं सुद्धग्गमणं गंतव्वं ति एएण सत्थेण समं । 'सुद्धेति पट्ठियाणं' । सुद्धे गमणे संपट्ठियाणं सो सत्थाहिवई भिक्खू उवासओ पडिणीययाए पुव्वं भणित्ता-सिद्धत्थगं पुर्फ पि तुब्भे मम भारं ण करेह । अह पच्छा निच्छुब्भेज्ज-मा अम्हेहिं समं वच्चह । भत्तपाणं वा पडिसेहेज्ज - मा एएसिं कोइ किंचि देज्ज । तओ इमा तिण्णि जयणाओ कायव्वा-१-धम्मकहा अणुसट्ठी २-विज्जाए वसीकरेज्ज ३-निमित्तेण वा आउटेज्ज । जो पभू समर्थ इत्यर्थः, स एवं साहू कुर्यात् । पच्छा नित्थिन्नासु एज्ज विज्जाभिओगं ।
पडिसे, अलंभे वा, गीयत्थेसु सयमेव चउभंगो । थेरिसगासं तु मिए, पेसे तत्तो व आणीयं ॥२८९९॥ कुओं एवं पल्लीओ, सड्ढा थेरि पडिसत्थिगाओ वा । नायम्मि य पन्नवणा, न हु असरीरो भवति धम्मो ॥२९००॥
“पडिसेहे०" ["कुओ एयं०"] गाहा । सत्थपइणा पडिसेहिए-मा संजयाणं कोइ देज्ज भत्तपाणं'ति । अहवा अकए वि पडिसेहे अद्धाणकप्पे निट्ठिए अलब्भमाणे य । जइ सव्वे गीतत्था ताहे दिया घेत्तुं दिया भुंजेज्ज परियासेत्ता इत्यर्थः । दिया वा घेत्तुं राओ भुंजेज्ज । एत्थ विभासा कायव्वा । एवं चउभंगो विभासियव्वो । जत्थ राओ गेण्हंति तत्थ परउत्थिया वसभ त्ति पारउत्थियलिंगेण गेहंति । अह तत्थ मिया वि अस्थि तो अप्पसारं मियाणं दिया वा राओ वा घेत्तुं, जइ सत्थे थेरी भद्दिया अस्थि तीसे मूले णिक्खप्पइ । तत्थ मिया पेसेत्ता आणाविज्जंति, तत्तो वा आणीयंति । वसभा थेरीसगासाओ आणेति । जइ ते मिया पुच्छेज्ज-कओ एयं लद्धं ? ति । तओ भणंति-पल्लीओ। अहवा दाणादिसड्डेण दिन्नं, अहवा थेरीए दिण्णं, अहवा पडिसत्थाओ आणीयं । जइ तं मिएहिं जाणियओ होज्ज तो पन्नविज्जंति – 'नत्थि असरीरो धम्मो' ।
१. पडिसेह मुच।