________________
३४८ विसेसचुण्णि
[राईभत्तपगयं ::४ (चतुर्लघु) । सुद्धपदे त्ति सुद्धं सुद्धणेयं । 'जंवा आवज्जइ'त्ति आयविराहणं संजमविराहणं च । आयाए खाणुकंटगादीहिं । संजमे उग्गमादीहिं असुद्धं गेण्हेज्ज पलंबादी वा गेण्हेज्ज ।
नाणट्ठ दंसणट्ठा, चरितट्ठा एवमाइ गंतव्वं । उवगरणपुव्वपडिलेहिएण सत्थेण गंतव्वं ॥२८७९॥ "नाणट्ठ०" गाहा । तत्थ नाणटुं दंसणट्ठाए य इमं वक्खाणं - सगुरु कुल सदेसे वा, नाणे गहिए सई य सामत्थे । वच्चइ उ अन्नदेसे, दंसणजुत्ताइअत्थो वा ॥२८८०॥
"सगुरु०" गाहा । अप्पणो आयरियस्स जत्तिओ आगमो तम्मि सव्वम्मि गहिए। स्वदेशे योऽन्येषामाचार्याणामागमः तस्मिन्नपि गृहीते । एवं णाणट्ठ-दसणट्ठाए ।
इदाणि चरित्तट्ठा । अस्य व्याख्या -
पडिकुट्ठ देस कारण, गया उ तदुवरमि निति चरणट्ठा । असिवाई व भविस्सइ, भूए व वयंति परदेसं ॥२८८१॥
"पडिकुट्ट देस०" गाहा । सिंधुदेसं पच्छाभूमिदेसं वा असिवादीहिं कारणेहिं गया । 'भूते व' त्ति सांप्रतं वट्टति । सेसं कण्ठ्यम् । तओ पडिणिप्फिडितुकामाणं उवगरणं पुव्व पडिलेहिएण सत्थेण गंतव्वं ति । काणि ताणि उवगरणाणि? उच्यते -
चम्माइलोहगहणं, नंदीभाणे य धम्मकरए य । परउत्थियउवकरणे, गुलियाओ खोलमाईणि ॥२८८२॥ तलिग पुडग वझे या, कोसग कत्ती य सिक्कए काए । पिप्पलग सूडू आरिय, नक्खच्चणि सत्थकोसे य ॥२८८३॥ तलियाउ रत्तिगमणे, कंटुप्पहेण सावए असहू । पुडगा विवच्चि सीए, वज्झो पुण छिन्नसंधट्ठा ॥२८८४॥ कोसग नहरक्खट्टा, हिमाऽहिकंटइसू उ खपुसादी । कत्ती वि विकरणट्ठा, विवित्त पुढवाइरक्खट्ठा ॥२८८५॥ तहिं सिक्कएहिँ हिंडति, जत्थ विवित्ता व पल्लिगमणं वा । परलिंगग्गहणम्मि वि, निक्खिवणट्ठा व अन्नत्थ ॥२८८६॥
