________________
३००
विसेसचुण्णि
[गाहावइकुलमज्झवासपगयं उभयट्ठादि विणिग्गएँ, अइंति सं पई ति मन्नएऽगारी । अणुचियघरप्पवेसे, पडणाऽऽवडणे य कुइयादी ॥२६४७॥
"उभयट्ठादि०" गाहा । काइयसण्णाणं वोसिरणट्ठयाए निग्गओ संतो अणाभोएण अप्पणगं उव्वरगं मण्णमाणो अन्नं उवरगं [प] विसेज्जा, तत्थ य अविरइयाए भोयओ काइयादीणं अट्ठाए पुव्वनिग्गओ होज्ज । सा य अविरइत्तिया तं पडिक्खंति अच्छइ । ताहे अंधयारे अप्पणयं भोययं ति मन्नमाणी तं संजयं अवयासेज्ज । भोयओ सो पविट्ठो । तं पासित्ता गेण्हणकड्डणादओ दोसा। अहवा भोयओ से असमाणीओ। सो य पविट्ठो सयणाए च्छित्तो । ताए कूवियं, उड्डाहो गेण्हणादीया।
अट्ठिगिमणट्ठिगी वा, उड्डाहं कुणइ सव्वनिच्छुभणं । तेणुब्भामे मन्नइ, गिहिआवडिओ व छिक्को वा ॥२६४८॥
"अट्ठिगिमणट्ठिगी वा०" गाहा । अहवा सा अट्ठिया तं पासित्ता ओभासेज्ज-मए समाणं भोगे भुंजाहि अह नेच्छसि उड्डाहं करेमि । जइ इच्छइ संजमविराहणा। अणिच्छे गिण्हणादओ दोसा । अहवा सो तत्थ पविट्ठो गिहिजणेण छिक्को तेणगो त्ति उब्भामगो त्ति वा काउं गेण्हणादि पंतावेज्ज वा नाउं संजओ त्ति, संकादी वोच्छेदो । अणुइयघरप्पवेसे य पडणावडणादी दोसा ।
इदाणि 'मज्जणे'त्ति दारं । अस्य व्याख्या -
मज्जणविहिमज्जंतं, दट्ट सगारं सईकरणमादी । सिज्जायरीउ अम्ह वि, एरिसया आसि गेहेसु ॥२६४९॥ तासिं कुचोरुजघणाइदंसणे खिप्पऽइक्कमो कीवे । इत्थीनाइसुहीण य, अचियत्तं छेदमादीया ॥२६५०॥ आसंकितो व वासो, दुक्खं तरुणा य सन्नियत्तेउं । धंतं पि दुब्बलासो, खुब्भइ वलवाण मज्झम्मि ॥२६५१॥
["मज्जणविहि०" "तासिं कुचोरु०" "आसंकितो व०"] गाहात्रयम् । तत्थ चाउस्सालमज्झे सेज्जातरो सेज्जातरी वा मज्जेज्ज स्नायंतीत्यर्थः, तं दटुं भुत्ताभुत्ताणं सइकरणकोउगदोसा । कुचा-स्तनाः । तद्दव्वमन्नदव्वच्छेदादी करेज्ज सन्नायगा । सेसा वा
१. उभयट्ठाय मुच ।
