________________
२७८
विसेसचुण्णि
[सागारियउवस्सयपगयं ईसरियत्ता रज्जा, व भंसए मन्नुपहरणा रिसओ । ते य समिक्खियकारी, अन्ना वि य सिं बहू अत्थि ॥२५३०॥ पत्थारदोसकारी, निवावराहो य बहुजणे फुसइ । पागइओ पुण तस्स व, निवस्स व भया न पडिकुज्जा ॥२५३१॥ अवि य हु कम्मद्दण्णा, न य गुत्तीओ सि नेव दारट्ठा । तेण कयं पि न नज्जइ, इतरत्थ पुणो धुवो दोसो ॥२५३२॥ तुल्ले मेहुणभावे, नाणत्ताऽऽरोवणा उ कीस कया । जेण निवे पत्थारो, रागो वि य वत्थुमासज्जा ॥२५३३॥
"जम्हा पढमे मूलं' ["पडिसेवणाए०" "ते चेव तत्थ दोसा." "आलिंगते." "सुहविन्नप्पा०" "खरिया०" "तिण्ह वि०" "ईसरियत्ता०" "पत्थार०'' "अवि य हु०" "तुल्ले मेहुण०''] गाहाओ पुव्वभणियाओ । नवरं 'नक्खादिविच्छेयणे सूय'त्ति सूचितं विभावितमित्यर्थः । गयं माणुसं ।
इयाणिं तेरिच्छियं -
तेरिच्छं पि य तिविहं, जहन्नयं मज्झिमं च उक्कोसं । पायावच्चकुडुंबियदंडियपारिग्गहं चेव ॥२५३४॥ अइय अमिला जहन्ना, खरि महिसी मज्झिमा वलवमादी । गोणि करेणुक्कोसा, पगयं सजितेतरे देहे ॥२५३५॥ ["तेरिच्छं पि०" "अइय अमिला०"] गाहा । सिद्धमेव । इमं पच्छित्तं -
चत्तारि य उग्घाया, जहन्नए मज्झिमे अणुग्घाया । छम्मासा उग्घाया, उक्कोसे ठायमाणस्स ॥२५३६॥
"चत्तारि य उग्घाया०" गाहा । जहन्नए पायावच्चपरिग्गहिए ठाइ :: ४ (चतुर्लघु), मज्झिमए :: ।४ (चतुर्गुरु), उक्कोसए ::: ६ (षड्लघु) ।
पढमिल्लगम्मि ठाणे, दोहि वि लहुगा तवेण कालेणं । बिइयम्मि उ कालगुरू, तवगुरुगा होति तइयम्मि ॥२५३७॥ "पढमिल्लुगम्मि०" गाहा । कण्ठ्या । एयं ठाणपच्छित्तं । इयाणि पडिसेवणापच्छित्तं -
