________________
भासगाहा-२५०३-२५१५] पढमो उद्देसो
२७५ बिइयम्मि रयणदेवय, तइए भंगम्मि सुगविज्जाओ ।
गोरीगंधाराइ, दुहविन्नप्पा य दुहमोया ॥२५०८॥ "बिइयम्मि रयण" गाहा । कण्ठ्या । तिण्ह वि कतरो गुरुतो, पागइ कोडुबि दंडिए चेव ।
साहस अपरिक्ख भए, इयरे पडिपक्ख पभु राया ॥२५०९॥
"तिण्ह वि कयरो०" गाहा । सीसो पुच्छइ-पायावच्चकुडुंबियदंडियपरिग्गहणं कयरो गुरुययरो ? तत्थ चोयओ भणइ, अहं ताव भणामि-पायावच्चपरिग्गहो गुरुयरो । किं कारणं? सो साहसिओ अप्परिक्खियकारी मुक्खत्तणेण मारेज्ज । कोडुबियदंडिओ पुण णावि साहसिओ नावि असमक्खियकारी । 'पभु राय' त्ति, राया पभू सो विरुवगं न कारेइ सहसा । किञ्चान्यत् -
ईसरियत्ता रज्जा, व भंसए मन्नुपहरणा रिसओ । ते य समिक्खियकारी, अण्णा वि य सिं बहू अत्थि ॥२५१०॥
"ईसरियत्ता०" गाहा । एए रिसिणा मन्नुपहरणा । कुडुंबिओ चिंतेइ-मा ईसरियत्ताओ भंसेहिं ति । दंडिओ चिंतेइ-मा रज्जाओ भस्सीहामि । एएण कारणेणं पायावच्चपरिग्गहो गुरुययरो कोडुंबियदंडिया लहुतरा । आयरियो भणइ-दंडियपरिग्गहो गुरुययरो ।
पत्थारदोसकारी, निवावराहो य बहुजणे फुसइ । पागइओ पुण तस्स व, निवस्स व भया न पडिकुज्जा ॥२५११॥ अवि य हु कम्मद्दण्णो, न य गुत्ती ओ सि नेव दारट्ठा । तेण कयं पि न नज्जइ, इतरत्थ पुणो धुवा दोसा ॥२५१२॥ "पत्थारदोसकारी०" ["अवि य हु कम्म०"] गाहाद्वयं । कण्ठ्यम् । रन्नो य इत्थियाए, संपत्तीकारणम्मि पारंची । अमच्ची अणवठप्पो, मूलं पुण पागयजणम्मि ॥२५१३॥ तुल्ले मेहुणभावे, नाणत्ताऽऽरोवणाय कीस कया । जेण निवे पत्थारो, रागो वि य वत्थुमासज्ज ॥२५१४॥ जइभागगया मत्ता, रागादीणं तहा चओ कम्मे । रागाइविहुरया वि हु, पायं वत्थूण विहुरत्ता ॥२५१५॥
१. हाणं इति भाव्यम् ? । २. करेइ अ क ड इ ।
