________________
भासगाहा-२४९०-२५०२] पढमो उद्देसो
२७३ काणच्छिमाइएहिं, खोभिय उद्धाइयस्स भद्दा उ । नासइ इयरो मोहं, सुवण्णकारेण दिद्रुतो ॥२४९५॥
"काणच्छिमाइएहिं०" गाहा । काणिच्छीउक्कंपण एवमाइएहिं जाहे खोभिओ ताहेगिण्हामि त्ति उद्दाइओ । ताहे सा देवया नस्सइ । इयरो नाम सो खोभियो साहु सम्मोहं गतो पडितो । तं दट्ठमिच्छड्-कत्तो गयासि ? विलवइ, पन्नविज्जंतो वि पन्नवणं न गेण्हइ । एसा भद्दा ।
वीमंसा पडिणीया, विद्दरिसणऽक्खित्तमादिणो दोसा । असंपत्ती संपत्ती, लग्गस्स य कड्ढणादीणि ॥२४९६॥ पंता उ असंपत्तीइ चेव मारिज्ज खेत्तमादी वा ।
संपत्तीइ वि लाएतु कड्डणादीणि कारेज्जा ॥२४९७॥
"वीमंसा०" ["पंता उ०"] गाहा । वीमंसाए काणिच्छिमादीणि करेज्ज सा जहेव भद्दा तहेव भाणियव्वा । जा पडिणीयया एसा खोभेत्ता जाहे उद्धातिओ गेण्हामि त्ति । 'असंपत्ति'त्ति । जाव न चेव गेण्हइ ताव मारेज्ज, खित्तादी व करेज्ज। अहवा विद्दरिसणं करेज्जा, विद्दरिसणं नाम अलग्गमिव लोगो लग्गओ पासइ । ताहे कड्डणाईणि करेज्ज । संपत्तीए वा लाएत्ता कड्दणादीणि करेज्ज ।
भोगत्थी विगए कोउगम्मि खित्ताइ दित्तचित्तं वा । दट्ठण व सेवंतं, देउलसामी करेज्ज इमं ॥२४९८॥ तं चेव निवेई, बंधण निच्छभण कडगमद्दे अ । आयरिए गच्छम्मि य, कुल गण संघे य पत्थारो ॥२४९९॥ गिण्हणे गुरुगा छम्मास कड्डणे छेदों होइ ववहारे । पच्छाकडम्मि मूलं, उड्डहणविरुंगणे नवमं ॥२५००॥ उद्दावण निव्विसए, एगमणेगे पदोस पारंची। अणवठ्ठप्पो दोसु उ, दोसु उ पारंचिओ होइ ॥२५०१॥ एयस्स नत्थि दोसो, अपरिक्खियदिक्खगस्स अह दोसो । इति पंतो निव्विसिए, उद्दवण विरुंचणं व करे ॥२५०२॥
