________________
॥ सागारियउवस्सयपगयं ॥
[सुत्तं] नो कप्पइ निग्गंथाण वा निग्गंथीण वा सागारिए उवस्सए वत्थए ॥१-२५॥
सूत्राभिसम्बन्धोनिस्स त्ति अइपसंगेण मा हु सागारियम्मि उ वसिज्जा ।
ते चेव निस्सदोसा, सागारिएँ निवसतो मा हु ॥२४४९॥ ["निस्स त्ति०"] गाहा । कण्ठ्या ।
सागारियनिक्खेवो, चउव्विहो होइ आणुपुव्वीए । नाम ठवणा दविए, भावे य चउव्विहो भेदो ॥२४५०॥ [नि०] "सागारिय०" गाहा । वइरित्तस्स दव्वसागारियस्स इमा दारगाहा - रूवं आभरणविही, वत्थालंकार भोयणे गंधे । आउज्ज नट्ट नाङग, गीए सयणे य दव्वम्मि ॥२४५१॥ [नि०] जं कट्ठकम्ममाइसु, रूवं सट्ठाणे तं भवे दव्वं । जं वा जीवविमुक्कं, विसरिसरूवं तु भावम्मि ॥२४५२॥ नर्से होइ अगीयं, गीयजुयं नाडयं तु नायव्वं ।
आभरणादी पुरिसोवभोग दव्वं तु सट्टाणे ॥२४५३॥
"रूवं आभरणविही०" ["जं कट्ठ०" "नर्से होइ०"] गाहा । रूवं नाम जं कट्ठकम्मे चित्तकम्मे वा निग्गंथाणं पुरिसरूवं कयं, निग्गंथीणं कट्टकम्मादिसु इत्थिरूवं, एयं दव्वसागारियं जीवविप्पजढं । इत्थिसरीरं भावसागारियं । एयाणि चेव विसरिसाणि निग्गंथाण कट्ठकम्मादीसु इत्थिरूवाणि कयाणि जीवविप्पजढं वा, इत्थिसरीरनिग्गंथीणं कट्ठकम्मादीसु पुरिसरूवाणि कयाणि पुरिससरीरं वा जीवविप्पजढं। आभरणपुरिसपाउग्गं जं तं दव्वे इत्थिजोग्गं भावे । एवं निग्गंथाणं, विवरीयं निग्गंथीणं । तत्थमेव अलंकारं वत्थालंकारं । तं पि एवं चेव । तयादी आउज्जं, गीतरहियं नटुं, नाडगं गीतजुत्तं, सयणं पल्लंकाइ। दव्वसागारियमेतत् । यथोद्दिष्टं भोयण-गंध-आउज्जसयणाणि नियमा दव्वसागारियं, विसरिसे भावसागारियं ।
१. भावो क ड । भवे इति भाव्यम् ?
