________________
॥ चित्तकम्मपगयं ॥ [सुत्तं] नो कप्पति निग्गंथाण वा निग्गंथीण वा सचित्तकम्मे उवस्सए वत्थए ॥१-२०॥
कप्पति निग्गंथाण वा निग्गंथीण वा अचित्तकम्मे उवस्सए वत्थए ॥१-२१॥
सुत्ताभिसंबंधो गाहाद्वयं - पढमचउत्थवयाणं, अतिचारो होज्ज दगसमीवम्मि । इह वि य हुज्ज चउत्थे, सचित्तकम्मेस संबंधो ॥२४२६॥ नो कप्पइ जागरिया, चिट्ठणमाई पया य दगतीरे । चित्तगयमाणसाणं, जागरिझाया कुतो अहवा ॥२४२७॥
["पढमचउत्थ०" "नो कप्पइ०"] कण्ठ्यम् । अह द्वितीयसम्बन्धः-सह चित्रकर्मणा सच्चित्तं कम्मं । तं दुविहं-सदोसं निद्दोसं च । सदोसे :: ४। (चतुर्गुरु) तत्थ निद्दोसं -
निद्दोस सदोसे वा, सचित्तकम्मे उ दोस आणादी । सइकरणं विकहा वा, बिइयं असतीऍ वसहीए ॥२४२८॥ तरु गिरि नदी समुद्दो, भवणा वल्ली लया वियाणा य । निहोस चित्तकम्मं, पुन्नकलससोत्थियाई य ॥२४२९॥ [नि०] ["निदोस०"] "तरु गिरि०' गाहा । कण्ठ्या । इमं सदोसं - तिरियमणुयदेवीणं, जत्थ उ देहा भवंति भित्तिकया । सविकारनिव्विकारा, सदोस चित्तं हवइ एयं ॥२४३०॥
"तिरिय०" गाहा । कण्ठ्या । निद्दोसं (स.) सचित्तकम्मे य ति(जइ)ट्ठाइ मासलहुं चउण्हं तवकालविसेसियं निग्गंथाणं । निग्गंथीणं निदोस-सचित्तकम्मे जइ ठायंति मासगुरुं चउण्हं तवकालविसेसियं, सदोसे ठायमाणाणं चउण्हं चउगुरुका तवकालविसेसिया भिक्खूवसह-गणि-आयरियाणं । एवं निग्गंथीण वि । को दोसो ? भुत्ताभुत्तभोगीणं सइकरणकोउगदोसा। विकह त्ति अस्य व्याख्या -
