________________
२४१
भासगाहा-२३३६-२३४६] पढमो उद्देसो
तणुनिद्दा पडिहारी, गोविय घेत्तुं च सुवइ तं दारं ।
जग्गंति वारएण व, नाउं आमोसदुस्सीले ॥२३४१॥ "तणुनिद्दा०" गाहा । कण्ठ्या । इयाणि मत्तए त्ति -
कुडमुह डगलेसु व काउ मत्तगं इट्टगाइदुरुढाओ । लाल सराव पलालं, व छोटु मोयं तु मा सद्दो ॥२३४२॥
"कुडमुह०" गाहा । कुडियं ठियं वा डगलया वा ठवेत्ता तत्थ मत्तओ ठविज्जइ । मत्तगस्स उवरिं मल्लगं छड्डियगं दिज्जइ, पोत्तलाला कीरइ, उवरिं तणाई दिज्जति, पलालं वा कबीउ रंझो वा कीरइ-मा सद्दो भविस्सइ । पासेहिं इट्टयाओ दिजंति, तत्थ ठियाओ वोसिरंति। सुवणं च जयणाए त्ति ।
मोत्तूण' दोन्नि जामे, चरिमे उज्झेत्तु मोयमत्तं तु । कालपडिलेह झातो, ओहाडियचिलिमिली तम्मि ॥२३४३॥ "मोत्तूण०" गाहा । कण्ठ्या । तओ कालं ण पडिजग्गंति । किं कारणं ? संकापदं तह भयं, दुविहा तेणा य मेहुणट्ठी य । देहधिइदुब्बलाओ, कालमओ ता न जग्गंति ॥२३४४॥ "संकापदं०" गाहा । कण्ठ्या ।
कम्मेहिँ मोहियाणं, अभिद्दवंताण को त्ति जा भणइ । संकापदं व होज्जा, सागारिअ तेणए वा वि ॥२३४५॥
"कम्मेहि मोहियाणं०" गाहा । कण्ठ्या । जइ कोइ कम्मघणकक्खडो उदिण्णमोहो तेणगो वा रत्तिं अभिभवेज्ज, साहुणीओ तत्थ जा को त्ति भणइ ::।४ (चतुर्गुरु) । आणादिविराहणा, सागारियस्स संका उप्पज्जइ-किं मण्णे एतासिं संजईणं कोइ संगार दिन्नओ होज्ज । तो भणइ-को एस? त्ति तस्स वा तेणगस्स-किं मन्ने एयासिं संजईणं अन्नो कोइ उब्भामओ, तेण को ? त्ति भणइ । अहवा उदिण्णमोहस्स एवं उप्पज्जइ -
अन्नो वि नूणमभिपडइ इत्थ वीसत्थया तदट्ठीणं । सागारि सेज्झगा वा, सइत्थिगाओ व संकेज्जा ॥२३४६॥ "अन्नो वि०" गाहापुव्वद्धं कण्ठ्यम् । पच्छद्धस्स सागारिय समोसियारे वा स
१. सोऊण मुच । २. = प्रतिवेश्मिक (दे०) । पासम ८७६ ।
