________________
२३६
विसेसचुण्णि
[रच्छामुहावणपगयं सेसाओ गाहाओ कंठाओ । 'तप्पक्खीणं च' त्ति सावगा अभिमुहा इति । जाव पव्वज्जाभिमुहीओ ता प्रतीपं घरमागच्छंति ।
एते चेव य दोसा, सविसेसतरा हवंति सेसेसु । रच्छामुहमादीसुं, थिराथिरेहिं थिरे अहिया ॥२३१९॥
"एए चेव य०" गाहा । जे भणिया दोसा सविसेसा भवंति सेसेसु । 'सेसेसु' त्ति रच्छाभिमुहादीसु, 'थिर' त्ति जेसिं तहिं चेव घराई, अथिरा जेसिं अन्नत्थ गिहाणि । बिइयपदे ठाएज्जा वि ।
अद्धाणनिग्गयादी, तिक्खुत्तो मग्गिऊण असईए । रच्छामुहे चउक्के, आवण अंतो दुहिं बाहिं ॥२३२०॥ अंतोमुहस्स असई, उभयमुहे तस्स बाहिरं पिहए । तस्सऽसइ बाहिरमुहे, सइ ठइए थेरिया बाहिं ॥२३२१॥
"अद्धाणनिग्गयादी०" ["अंतो०"] गाहा । अद्धाणनिग्गयादी विभासा । तिक्खुत्तो मग्गित्ता 'असइ' त्ति अलब्भमाणे अंतोमुहे ठाइ जस्स पिट्ठओ रच्छा, असइ दुहओमुहे तस्स जओ रच्छा तं ठएंति । असइ बाहिरामुहे रच्छामुहे इत्यर्थः । तं निच्चट्ठइयं कज्जइ । तओ थेरीओ कज्जइ, रच्छामुहस्स असईए सेसेसु वि ।
जत्थऽप्पतरा दोसा, जत्थ य जतणं तरंति काउं जे । निच्चमवि जंतियाणं, जंतियवासो तहिं वुत्तो ॥२३२२॥ "जत्थऽप्पयरा दोसा०" गाहा । कण्ठ्या । बोलेण झायकरणं, ठाणं वत्थु व पप्प भइयं तु । वंदेण इंति निति व, अविणीयनिहोडणा चेव ॥२३२३॥ एएसिं असईए, सुन्ने बहि रक्खियाउ वसहेहिं । तेसऽसती गिहिनीसा, वइमाइसु भोइए नायं ॥२३२४॥
"बोलेण झाय०" ["एएसिं असईए"] गाथाद्वयं कण्ठ्यम् । 'तेसऽसति' त्ति वसभाणं, असईए भोइयविदितं काउं वसंति ।
