________________
भासगाहा-२२७५-२२८५] पढमो उद्देसो
२२९ पउमसर वियरगो वा, वाघातो तम्मि अभिनिवगडाए । तम्मि वि सो चेव गमो, नवरं पुण देउले मेलो ॥२२७८॥
"पउमसर वियरगो०" गाहा । पउमसर परिक्खित्तं वियरओ-गर्ता । तेण वाघाएण अणेगनिक्खमणपवेसो नत्थि । 'अभिनिव्वगडाए' त्ति अणेगवगडाओ । तत्रापि त एव दोषाः ।
अंतो वियार असई, अज्जाण हविज्ज तइयभंगम्मि । संकिट्ठगवीयारे, व होज्ज दोसा इमं नायं ॥२२७९॥ वासस्स य आगमणं, महिला कुड णंतगे व रत्तट्ठी । देउलकोणे व तहासंपत्ती मेलणं होज्जा ॥२२८०॥ गहिओ अ सो वराओ, बद्धो अवओडओ दवदवस्स । संपाविओ रायकुलं, उप्पत्ती चेव कज्जस्स ॥२२८१॥ जाणंता वि य इत्थि, दोसवइं तीऍ नाइवग्गस्स । पच्चयहेउं सचिवा, करेंति आसेण दिटुंतं ॥२२८२॥ वम्मिय कवइय वलवा, अंगणमझे तहेव आसो य । वलवाएँ अवंगुणणं, कज्जस्स य छेदणं भणियं ॥२२८३॥ एवं खु लोइयाणं, महिला अवराहि न पुण सो पुरिसो । इह पुण दोण्ह वि दोसो, सविसेसो संजए होइ ॥२२८४॥ पुरिसुत्तरिओ धम्मो, पुरिसे य धिई ससत्तया चेव । पेलव परज्झ इत्थी, फुफुगपेसीएँ दिटुंतो ॥२२८५॥
"अंतो वियार०'' ["वासस्स.'' 'गहिओ अ." "जाणंता वि०" "वम्मिय०" "एवं खु०" "पुरिसुत्तरिओ०"] गाहा । अणेगवडगाए एगनिक्खमणपवेसाए ठियाणं संजईणं अंतो वियारभूमी । असईए बाहिं निग्गच्छंतीणं संकिट्ठवियारभूमीए दोसा होज्ज । संक्किट्टवियारं नाम- अण्णा नत्थि सण्णाभूमी अन्नो वि जणो तत्थ चेव एइ । तत्र दोषः स्यात् । तत्रायं देवकुलदृष्टान्तः ।
एगा महिला कुसुंभिरत्तवत्थणिवसणा घडयं गहाय पाणियस्स गया । वासं च आगयं । ताहे सा-मा एयाणि कुसुंभरत्ताणि वत्थाणि विणिस्सिहिति त्ति कट्ट अवाउडीभवित्ता घडए छोढुं देवकुलं पविट्ठा । तत्थ य एक्को अगारो पुव्वपविट्ठो । सा तेण उवभुत्ता । तं च अन्नेहिं दिटुं । सो
