________________
भासगाहा-२२२२-२२३५] पढमो उद्देसो
२२१ पाहुन्नं ताण कयं, असंखडं देह तो अलज्जाओ ।
पुव्वट्ठिय इय अज्जा, उवालभंताऽणुसासंति ॥२२२९॥ "पाहुन्न ताण कयं०" गाहा । कण्ठ्या । आगंतुगीओ भण्णंति - एगं तासिं खेत्तं, मलेह बिइयं असंखडं देह ।
आगंतू इय दोसं, झवंति तिक्खाइमहुरेहिं ॥२२३०॥ "एगं तासिं खेत्तं०" गाहा । कण्ठ्या ।
अवराह तुलेऊणं, पुव्ववरद्धं च गणधरा मिलिया । बोहित्तुमसागारिएँ, दिति विसोहिं खमावे ॥२२३१॥ "अवराह तुलेऊणं०" गाहा । कण्ठ्या । पढमो भंगो गओ।
अभिनिदुवार[ऽभि]निक्खमणपवेसे एगवगडि ते चेव । जं इत्थं नाणत्तं, तमहं वोच्छं समासेणं ॥२२३२॥
"अभिनिढुवार०" गाहा । बिइओ भंगो । अभिनिदुवारा नाम अणेगदुवारा । जेहिं निक्खमिज्जइ वा पविसिज्जइ वा । वगडा पण एक्का । 'ते च्चेव' त्ति त एव दोसा जे पढम- भंगे । पच्छिल्लद्धं कण्ठ्यम् ।
तह चेव अन्नहा वा, वि आगया ठंति संजईखेत्ते । भोइयनाए भयणा, सेसं तं चेविमं चऽन्नं ॥२२३३॥
"तह चेव अन्नहा०" गाहा । 'तहे' त्ति । जहा पढमभंगे आगमो अन्नहा वा आगमो होज्ज । दंडियदिटुंते भयणा । एत्थ होज्ज वा ण वा होज्ज। एस अत्थो । सेसं जहा पढमभंगे तं सव्वं मंतव्वं । इमं अब्भहियं जं भणीहामि ।
एगा व होज्ज साही, दाराणि व होज्ज सपडिहुत्ताणि । पासे व मग्गओ वा, उच्चे नीए व धम्मकहा ॥२२३४॥ [नि०]
“एगा व होज्ज साही०" दारगाहा । तत्थ ताव एगसाहीए वतीए अंतरियाणं संजय-संजइणं वसंताणं इमे दोसा -
वइ अंतरियाणं खलु, दोण्ह वि वग्गाण गरहिओ वासो ।
आलावे संलावे, चरित्तसंभेइणी विकहा ॥२२३५॥ "वति अंतरियाणं खलु०" गाहा। कण्ठ्या ।
