________________
भासगाहा-२२०९-२२२१] पढमो उद्देसो
२१९ उभयस्स-कारगम्मी, दोसीणे अहव तस्स असईए । संथरै भणंति तुम्हे, अडिएसु वयं अडीहामो ॥२२१५॥ "उभयस्स०" गाहा । कण्ठ्या । उभयं संजया संजईओ य ।
ओली निवेसणे वा, वज्जेत्तु अडंति जत्थ व पविट्ठा । न य वंदणं न नमणं, न य संभासो न वि य दिट्ठी ॥२२१६॥ "ओली निवेसणे" गाहा। कण्ठ्या ।।
पुव्वभणिए य ठाणे, सुन्नोगादी चरंति वज्जेता । पढम बिइयातुरा वा, जयणा आइन्न धुवकम्मी ॥२२१७॥ "पुव्व भणिए य०" गाहा । कण्ठ्या । एवं असंजइएसु जयणा । इमा संजईआण
जयणा -
दोन्नि वि ससंजईया, एगग्गामम्मि कारणेण ठिया । तासिं च तुच्छयाए, असंखडं तत्थिमा जयणा ॥२२१८॥
"दोन्नि वि०" गाहा । कण्ठ्या । कहं पुण असंखडं समुप्पण्णं? ताहि भण्णइकिं अज्जे ! पाविज्जति ? आगंतुगी भणंति -
चुण्णाइविंटलकए, गरहियसंथवकए य तुब्भाहिं । ताइँ अजाणंतीओ, फव्वीहामो कहं अम्हे ॥२२१९॥ "चुण्णाइविंटल०" गाहा । कण्ठ्या । ताओ पडिभणंति - सेणाणुमाणेण परं जणोऽयं, ठावेइ दोसेसु गुणेसु चेव । पावस्स लोगो पडिहाइ पावो, कल्लाणकारिस्स य साहुकारी ॥२२२०॥
"सेणाणुमाणेण०" वृत्तं कण्ठ्यम् । जो पावमायरइ तस्स अन्नो वि लोगो पावो चेव पडिहाइ ।
नूणं न तं वट्टइ जं पुरा भे, इमम्मि खेत्ते जइभावियम्मि ।
अवेयवच्चाण जतो करेहा, अम्हाववायं अइपंडियाओ ॥२२२१॥ "नूणं न तं वट्टइ०" वृत्तं । 'अवेयवच्चाणं' ति अवाच्या वाच्याओ। सेसं कण्ठ्यम् ।
१. मुच पुस्तके २२१४-२२१५ गाथे व्युत्क्रमेण वर्तेते ।
