________________
२०६ विसेसचुण्णि
[वगडापगयं "सोऊण०" गाहा । “फड्डगपइपेसविया०" गाहा । कण्ठ्या । जे तेसिं साहूणं फड्डगा अन्नत्थ तत्थ पेसविएहिं दिटुं अतिक्कमंता वा ते साहुणो तेहिं आगच्छंतेहिं दिटुं । ते आइक्खंति
दिटुं।
संजइभावियखेत्ते, समुदाणेऊण बहुगुणं नच्चा । संपुन्नमासकप्पं, बिंति गणिं पुट्ठऽपुट्ठा वा ॥२१३६॥
"संजइभावियखेत्ते०" गाहा । कण्ठ्या । ते तं खेत्तं दट्टण आगया आयरियस्स सगासं, तस्स य आयरियस्स मासकप्पो पुण्णो । अन्नं च मासकप्पपाउग्गं खेत्तं पडिलेहेयव्वं । ताहे पुच्छिया वा अपुच्छिया वा इमं भणंति -
तुब्भ वि पुण्णो कप्पो, न य खेत्तं पेहियं में जं जोग्गं । जं पि य रुइयं तुब्भं, न तं बहुगुणं जइ इमं तु ॥२१३७॥ एगोऽत्थ नवरि दोसो, मं पइ सो वि य बाहए किंचि । न य सो भावो विज्जइ, अदोसवं जो अनिययस्स ॥२१३८॥ अहवण किं सिटेणं, सिटे काहिह न वा वि एयं ति । खुड्डमुहा संति इहं, जे कोविज्जा जिणवइं पि ॥२१३९॥ इइ सपरिहास निब्बंधपुच्छिओ बेइ तत्थ समणीओ ।
बलियपरिग्गहियाओ, होह दढा तत्थ वच्चामो ॥२१४०॥
"तुब्भ वि पुण्णो कप्पो०" [“एगोऽत्थ०" "अहवण" "इइ सपरिहास०"] चत्तारि गाहाओ कण्ठाओ। 'मं पति' त्ति मम मतेणं । "ण यसो भावो" | पच्छद्धं । ण वा सो भावो विद्यते यो हि प्रयत्नमकुर्वत: अदोषभावो भवति । 'खोट्टमुह त्ति मधुमुहा ।
भिक्खू तं सोऊण२, व भणइ जइ वच्चिमो तहिं मासो । लहुगा गुरुगा वसभे, गणिस्स एमेवुवेहाए ॥२१४१॥ सामत्थण परिवच्छे, गमणे३ पयभेद पंथ सीमाए । गामे वसहिपवेसे, मासादी भिक्खुणो मूलं ॥२१४२॥ गणि आयरिए सपदं, अहवा वि विसेसिया भवे गुरुगा । भिक्खूमाइचउण्हं, जइ पुच्छसि तो सुणसु दोसे ॥२१४३॥
१. खुड्डु मुच । २. साहइ सोऊं मुच । ३. गहेण मुच ।
