________________
भासगाहा-२०६२-२०७३] पढमो उद्देसो
१९५ "हे?उवासण" गाहापुव्वद्धं । ते अप्पसारिय त्ति काउं पढमबीइएसु थंडिल्लेसु गच्छंति । तिरिच्छ व्याख्या-"वानर०" पच्छद्धं । एए वि उवसग्गेति । एयं अंतो गयं ।
जइ अंतो वाघाओ, बहिया तासि तइया अणुन्नाया। सेसा नाणुन्नाया, अज्जाण वियारभूमीतो ॥२०६८॥
"जइ अंतो वाघाओ०" गाहा । अंतो वाघाए बहिया गंतव्वं तइयं थंडिल्लं। सेसा पडिकुट्ठा । खेत्तमग्गणा वसही वीयार तिण्णि दाराणि गयाणि ।
इदाणिं गच्छस्स आणण त्ति दारं -
पडिलेहियं च खेत्तं, संजइवग्गस्स आणणा होइ । निक्कारणम्मि मग्गों, कारणे समगं व पुरतो वा ॥२०६९॥
"पडिलेहियं च खेत्तं०" गाहा । निक्कारणे पुरओ संजया ठायंति । अह सव्वओ भयं तो मझे तरुणीओ पासे मज्झिमाओ थेरीओ खुड्डियाओ थेरा खुड्डगा मज्झिमा तरुणा वसभ त्ति । कारणे एयाए विहीए वच्चंति ।
निप्पच्चवाय संबंधि भाविए गणहरऽऽप्पबिइतइओ। नेइ भए पुण सत्थेण सद्धि कयकरणसहितो वा ॥२०७०॥ उभयट्ठाइनिविटुं, मा पेल्ले वइणि तेण पुर एगे। तं तु न जुज्जइ अविणय, विरुद्ध उभयं च जयणाए ॥२०७१॥ "निप्पच्चवाय०' ["उभयट्ठाइo"] गाहाद्वयं कण्ठ्यम् । गच्छस्स आणण त्ति गयं । इदाणिं वारए त्ति दारं ।
जहियं च अगारिजणो, चोक्खब्भूतो सुईसमायारो। कुडमुहदद्दरएणं, वारगनिक्खेवणा भणिया ॥२०७२॥ [नि०]
"जहियं च अगारिजणो०" गाहा । जहिं अगारिजणो चोक्खब्भूओ सुइसमायारो तत्थ निग्गंथीओ वारए गेहंति । जइ न गेहंति :: ।४ (चतुर्गुरु), जं च उड्डाहो तन्निप्फण्णं ।
थीपडिबद्धे उवस्सएँ, उस्सग्गपदेण संवसंतीओ। वच्चंति काइभूमि, मत्तगहत्था न याऽऽयमणं ॥२०७३॥
"थीपडिबद्धे०" गाहा । उस्सग्गेण य ताहिं दव्वपडिबद्धाए सेज्जाए ठाइयव्वं । तेण अणुन्नाओ । सो य तासिं उवग्गहिओ चेव अंतो लित्तो कायव्वो । जइ अलित्तो ताहे पागडं
