________________
भासगाहा-२०२९-२०३९] पढमो उद्देसो
१८९ ___ [सुत्तं]-से गामंसि वा जाव रायहाणिसि वा सपरिक्खेवंसि सबाहिरियंसि कप्पइ निग्गंथाणं हेमंतगिम्हासु दो मासे वत्थए । अंतो इक्कं मासं, बाहिं इक्कं मासं । अंतो वसमाणाणं अंतो भिक्खायरिया, बाहिं वसमाणाणं बाहिं भिक्खायरिया ॥१-७॥
एसेव कमो नियमा, सपरिक्खेवे सबाहिरीयम्मि। नवरं पुण नाणत्तं, अंतो मासो बहिं मासो ॥२०३४॥ "एसेव०" गाहा । कण्ठ्या । पुण्णम्मि मासकप्पे, बहिया संकमण तं पि तह चेव । नवरं पुण नाणत्तं, तणेसु तह चेव फलएसु ॥२०३५॥
'पुण्णम्मि०" गाहा । अब्भंतरियाए पुन्ने मासकप्पे बाहिरियाए मासकप्पो कायव्वो त्ति । तत्थ वि तहेव बाहिरियाखेत्तं पडिलेहेयव्वं । सुद्धे बाहिरियाखेत्ते जइ तत्थ तण-डगलगाइ फलगा वा नत्थि ताहे ताई चिय तण-फलगादीणि बाहिरियाए वसहीए नेयव्वाइं । आपुच्छित्ता तत्थ गहणं वा।
बाहिमुवस्सयगमणे, अणपुच्छा नत्थि किंचि नेयव्वं ।
जइ नेइ अणापुच्छा, तत्थ उ दोसा इमे होंति ॥२०३६॥ "बाहिमुवस्सय०" गाहा । कण्ठ्या । । ताई तणफलगाइं, तेणाहडगाइँ अप्पणो वा वि। निज्जंतयगहियाई, सिट्ठाइं तहा असिट्ठाइं ॥२०३७॥ "ताई तणफलगाइं०" गाहा । कण्ठ्या ।
कस्सेते तणफलगा, सिटे अमुकस्स तस्स गहणादी। निण्हवइ व सो भीओ, पच्चंगिर लोगमुड्डाहो ॥२०३८॥ "कस्सेते तणफलगा' गाहा । एतीसे इमा आरोवण गाहा - नयणे दिढे सिढे, गिण्हण कड्डण ववहारमेव ववहरिए । लहुगो लहुगा गुरुगा, छम्मासा छेय मूल दुगं ॥२०३९॥
१. आबाहिरिया क ड । २. अन्नउवस्सय इति मुच ।
