________________
१४६ विसेसचुण्णि
[मासकप्पपगयं "आयपरसमुत्तारो०" गाहा । कण्ठ्या । इदाणिं संकिते त्ति दारं - निस्संकियं च काहिइ, उभए जं संकियं सुयहरेहिं ।
अव्वोच्छित्तिकरं वा, लब्भिहि पत्तं दुपक्खाओ ॥१७९६॥
"निस्संकितं च०" गाहापुव्वद्धं कण्ठ्यम् । यात्रा इति “अव्वोच्छित्तिकरं०" गाहा पच्छद्धं । 'दुप्पक्खाओ'त्ति । गिहत्थपक्खाओ सिस्सं, सपक्खाओ पाडिच्छयं लभेज्ज ।
पभावण त्ति दारं - जाइकुलरूवधणबलसंपन्ना इद्धिमंतनिक्खंता । जयणाजुत्ता य जई, समेच्च तित्थं पभाविति ॥१७९७॥ जो जेण गुणेणऽहिओ, जेण विणा वा न सिज्झए जं तु । सो तेण तम्मि कज्जे, सव्वत्थामं न हावेइ ॥१७९८॥ "जाइ कुल रूव०"। ["जो जेण गुणेण०"] । गाहाद्वयं कण्ठ्यम् । पवत्ति त्ति दारं - साहम्मिवायगाणं, खेमसिवाणं च लब्भिइ पवित्तिं । गच्छिहिति जहिं ताई, होहिंति न वा वि पुच्छड़ वा ॥१७९९॥
“साहम्मिवायगाणं०" गाहा । तत्थ अन्नेसिं संभोइयाणं चिरगयाणं पवित्तिं सुणेइ आयरियाणं वा, अहवा सुभिक्खदुभिक्खाईणं नेमित्तिया पवित्तिं साहति । कयाय (कज्जाइं) उड्डाहो एए दो वि दारा एगढे वक्खाणेइ -
कुलमादीकज्जाइं, साहिस्सं लिंगिणो य सासिस्सं । जे लोगविरुद्धाइं, करेंति लोगुत्तराई च ॥१८००॥ "कुलमादीकज्जाइं०" गाहा । कण्ठ्या। एतेहिँ कारणेहिं, पुव्वं पडिलेहिऊण अइगमणं ।
अद्धाणनिग्गयादी, लग्गा सुद्धा जहा खमओ ॥१८०१॥ "एतेहिं०" गाहा । एतेहिं यानि एतानि चेइयपूयादीणि कारणानि उक्तानि, एतेहिं
