________________
118 :
EXTRACTS FROM MANUSCRIPTS
जन्नाणधणलवेण वि ववहरमाणा(स)यं मइदरिदा । करिमो परोवयारं तेसि नमो गुरुधणेसाणं ।। १० ।। सोऊण जउत्तीउ वोत्तु अन्हेवि किंपि जाणामो । भदं सुहुममईणं पुवकईणं हवउ तेसि ॥ ११ ॥ नमिउं नमंसणिजे अन्नेवि महायसे महासत्ते । बोछामि पत्थभूयं धम्मकहं भवजंतूणं ।। १२ ।। पुरिसत्थपायवाणं सवेसिमवंज्जबीय भूउत्ति । (ध) मो चेव पसय्थो पुरिसत्थो एत्थ विन्नेउ ॥ १३ ॥ भणियं च । धम्मेण धणमनंतं धम्मेण नरामरिंदवरकामा । मोक्खोवि धुवं धम्मा लब्भइ ता उत्तमो धम्मो ॥ १४ ॥ चं(दो)गहाणं मेरू धराण चिंतामणी मणिगणाण । जह तह जिणवरधम्मो सिरोमणी सवृधम्माण ॥ १६ ॥ दुरियं हरेइ वियरेइ सुहसए तुरियमेव भवाणं । सुच्च (इ)- - कीरंतो साहिप्पंतो य धुवमेसा ॥ १६ ॥ ता जुत्ता एय कहा ससत्तिर्ड हंत बुद्धिमंताणं । एय सवणं च निचं कनिच्चमेत्तो वरं जेण ॥ १७ ॥ तवसंवेगाऽमयरसवसविय- - -तविसयविससंगो । मुत्तिसुहंपि व पत्तो परमाणंदं लइइ सो राया ।। १८ ॥ धम्मकहच्चिय एसा पाहन्नेणं पसंगऊ नवरं । कामत्थगोयरं पिहु भणियवं किंपि परवयणा ॥ १९ ॥ अलमेत्थ वित्थरेणं भो भो सुयणा सुणेह धम्मग । चरियं सुचरियरम्मं महरिसिणो पुहइचदस्स ॥ २० ॥