________________
આત્માનુશાસન (ગુર્જર પદ્યાનુવાદ : શ્રી રાવજીભાઈ દેસાઈ) નિજ આત્મલક્ષમી નિવાસ મંદિર, અઘ-પ્રલયકર વીરને; હૃદયે ધરી આત્માનુશાસન, ભાખું ભવિ શિવકારો. ૧ આત્મન્ ડરે દુઃખથી અતિ, સુખને ચહે જો તું સદા; દુઃખહારી, તુજ વાંછિત સુખકર, માર્ગ ઉપદેશું મુદા. ૨ અહીં પ્રથમ કડવું પણ મધુર, પરિણામમાં જો કથન છે; તો ભય તજીને રોગીવત, આરાધજે એ વચનને. ૩ વાચાળ જન ઝાઝા સુલભ, ઘન જેમ મિથ્યા ગર્જતા; પણ અંતરે જે આદ્ર, જગ-ઉદ્ધારકર દુર્લભ થતા. ૪ જે પ્રાશ, શાસ્ત્ર-રહસ્યજ્ઞાતા, સુજ્ઞ જન વ્યવહારના, નિઃસ્પૃહી, શાંત, પ્રભાવશાળી, પ્રશ્ન ઉત્તરે જાણતા; પ્રશ્નો સહે. પર મન હરે, નિંદા તજે પરની, પ્રભુ, વચ સ્પષ્ટ મિષ્ટ, ગુણોદધિ, ઉપદેશદાતા એ વિભુ. ૫ શ્રુતજ્ઞાન વિસ્તૃત, શાંત મન વચ કાય, રત પર બોધવા, સન્માર્ગની સુપ્રવર્તના-વિધિમાં સદા પુરુષાર્થતા; બુધજનનુતિ, નિઃગર્વતા, લોકજ્ઞતા, મૃદુતા તણા, સદ્ગુણ નિસ્પૃહતાદિ એવા જ્ઞાની ગુરુ હો સંતના. ૬ જે ભવ્ય, હિતચિંતક, ડરે દુઃખથી અતિ, સુખ ચાહતા, શ્રવણાદિ બુદ્ધિ વિભવયુત, શ્રુત સુણી સ્પષ્ટ વિચારતા; જે ધર્મ સુખકર, દયા ગુણમય, યુક્તિ આગમ માન્ય જો, નિર્ધારી, આગહરહિત, મહતા, શાસ્ય શ્રોતા યોગ્ય તો. ૭ દુઃખ પાપથી, સુખ ધર્મથી, જન જાણતા જગમાં બધા; તેથી સુખાથી પાપને તજી ધર્મ આદરજો સદા. ૮