________________
૧૭
જીવ એકલો નરકે જાશે, શુભ-વિવેકે સુરગતિ થાશે; રાજા, ધનપતિ થાય એક્લો, દાસ એકલો વિનય ભૂલેલો. ૯ રોગી એકલો, શોક ભરેલો, દુ:ખ રહિત, દુઃખમાંહી વસેલો; વળી વેપારી, દરિદ્ર એલો, નીચ એક્લો ભમે ભૂલેલો. ૧૦ પરિજન, પુત્ર, કલત્ર વિનાશી, સર્વ મળીને છે દુઃખરાશિ; ચિંતવ ચિત્તે નિચે ભાઈ, કોણ પિતા મા કોની સગાઈ ? ૧૧
સ્ત્રી અર્થે હિંસા કરનારા, ભૂત ભ્રમિત સમ જીવ, બિચારા; પાપ પમાડે નરક નઠારું, ઘોર દુઃખો દળશે તન તારું. ૧૨ વિષય-ભૂતનો મોહ મૂકી દે, ક્યાય ચારે નિર્મૂળ કરી લે; કામ, માનનો કૂચો કરી દે, ઇન્દ્રિય ચોરો પાંચ રમી લે. ૧૩ શરીર ઝૂંપડી કૂડો કૂથો, માંસ-ચામડી મોહે ચૂંથો; દ્વાર નવે ગંદા મળ ગળતાં, શું સુખ એ કચરામાં કળતાં ? ૧૪ ભવસાગરમાં કાળ અનંતો, વસ્યો વાસના નીચ કરતો; આજ સુધી વિષયોમાં રાચ્યો, મૂઢ વિરાગ સજી લે સાચો. ૧૫ દુર્ગતિ દુઃખ અનેક ફૂટ્યો, તોય પીછો તેનો ના છૂટ્યો; જાણે ભૂત-ભ્રમિત, મદમત્ત, જીવ અનાચારે રહે રક્ત. ૧૬ સપ્ત ધાતુમય પુદ્ગલપિંડ, કીડા ખદબદતો મળફંડ; આવો નિંદિત દેહ છતાં હા માથે જમનો દંડ ફરે આ. ૧૭ મા કર યૌવન-ધનગૃહ-ગર્વ, કાળ હરી લેશે એ સર્વ ઇન્દ્રજાલ સમ નિષ્ફળ સહુ તજ, મોક્ષપદે મન રાખી પ્રભુ ભજ. ૧૮ નીલકમલ-દલ-જલ-સમ ચંચલ, ઇન્દ્ર ધનુષ-વીજળી જીવનપળ; ક્ષણભંગુર સંસાર વિચારો, ભ્રાંતિ વડે ના જાણો સારો. ૧૯
