________________
કણિકનો બોધ અને નિત્યનો અનુભવ
અહીં આત્માનુભૂતિની વિધિને ઉંઘની વિધિના દ્રષ્ટાંતથી સમજાવવામાં આવી છે. દ્રષ્ટાંતને માત્ર દ્રષ્ટાંત તરીકે સમજીને તેનો યથાર્થ આશય ગ્રહણ કરવો. ત્યાં એમ ગ્રહણ ન કરવું કે આત્માનુભૂતિને ઉંઘવાની ક્રિયા સાથે સરખાવી હોવાથી આટલું વાંચન કરી લીધા બાદ કશું જ ન કરીને બસ ઉંઘી જવું. કારણ કે હે જીવ! તુ અનાદિકાળથી મોહની ગાઢ નિદ્રામાં ઉંઘી રહ્યો છે, ચિત્ર-વિચિત્ર સ્વપ્ન દેખી ન જાણે કેટલા-કેટલા પર પદાર્થોમાં પોતાપણાની કલ્પના કરી બેઠો છે, ભાઈ! હવે તારે ઉંઘવાનો નહીં પણ જાગૃત થવાનો અવસર આવ્યો છે. જાણનારાને જાણનારાની પર્યાય જાણવો તથા અનુભવો એ જ વાસ્તવિક જાગૃતિ છે.
