________________
૧૦૦
ક્ષણિકનો બોધ અને નિત્યનો અનુભવ
સિદ્ધોનું સુખ
અનાદિ મિથ્યાદ્રષ્ટીને સમ્યગ્દર્શન પ્રગટ થાય ત્યારે અતીન્દ્રિય સુખ પ્રગટ થાય છે, પણ પૂર્ણ સુખ નહીં. બારમાં ગુણસ્થાને મોહનો સર્વથા ક્ષય થતાં પૂર્ણ સુખ પ્રગટે છે. તેમાં ગુણસ્થાને અનંત જ્ઞાન પ્રગટ થાય છે. અનંત જ્ઞાનની સાથે રહેલા સુખને પણ અનંત સુખ કહે છે. અરિહંત દશા પ્રગટ થતાં અનંત જ્ઞાન, અનંત દર્શન, અનંત સુખ તથા અનંત વીર્ય (અનંત ચતુષ્ટય)ની પ્રાપ્તિ થાય છે. સિદ્ધ દશા પ્રગટ થતાં અવ્યાબાધત્વ, અવગાહનત્વ, સૂક્ષ્મત્વ તથા અગુરુલધુત્વાદિ ગુણો પણ પ્રગટ થાય છે.
સંસારમાં સુખ નથી તથા મોક્ષમાં જ સુખ છે. તે વાતનું પ્રમાણ એ છે કે આજસુધી અનંત જીવો સંસારથી મોક્ષે ગયા તો છે, પણ એવો એક પણ જીવ નથી કે મોક્ષથી સંસારમાં પાછો ફર્યો હોય. પાછો આવે પણ શા માટે? અનંત સુખના અમૃતરૂપી રસને છોડીને પાંચ ઈજિયના વિષયોની આગમાં પડીને મોહ-રાગ-દ્વેષના વિકારીભાવરૂપી ઝેરને કોણ પીવે?
એવા અનંત જીવો છે કે જેમની અનંત ઇચ્છાનો નાશ થયો હોય, પણ એવો એક પણ જીવ નથી કે જેની અનંત ઈચ્છાની પૂર્તિ થઈ હોય. અજ્ઞાની જીવ પોતાની અનંત ઈચ્છાની પૂર્તિ કરવા ઈચ્છે છે, તે અનંત સિદ્ધો જે કાર્ય ન કરી શક્યા તે કાર્ય કરવા ઇચ્છે છે. અજ્ઞાની જીવ પોતે ભગવાનનો ભગવાન થવા ઈચ્છે છે. અરે ભાઈ! સાચું સુખ ભગવાનના ભગવાન થવામાં નથી, પણ ભગવાન થવામાં છે. ભગવાન થવામાં પણ શા માટે?
