________________
પ૧ મૂઢ મતિ નહિ રાખજે, સુણીને શિક્ષા કાન; સુનીતિ સજજે સદા, લેજે સારું જ્ઞાન. વિશ્વ૦ ૮૫ નવરી બેસી રહીશ નહિ, કારણ વખત અમૂલ્ય; સોનું પણ નહિ આવશે, કો દી એની તુલ્ય. વિશ્વ ૮૬ જ્ઞાન તણા શોધી લહો, મારગ સારા ઠીક; નીચ કર્મ કરતાં બહુ, રાખો ઈશ્વર-બીક. વિશ્વ૮૭ સજ્જનીના પગ પૂજજે, એથી થાશે ઠીક; મૂળ અનીતિનાં વાઢશે, કાઢી બુદ્ધિ અઠીક. વિશ્વ૦ ૮૮ નાથ કેરી સેવા સજો, એ તીરથનું સ્થાન; મોહિત થાવું ન મૂરખી, બહુ થાજે ગુણવાન, વિશ્વ ૮૯ હમેશ નમજે નાથને, વળી જેઠને તેમ; પુણ્ય જ કરજે પ્રેમથી, પૂજ્ય પૂજ્ય ગણ એમ. વિશ્વ ૯૦ કરીને વિચાર તું વિગતે, કરજે સારાં કામ; કીર્તિ મૂકી અહીં જજે, ખર્ચ સુકામે દામ. વિશ્વ ૯૧ નાણું ચપળ જ જાણજે, કહી ગયા કોવિદ; શઠ બની “મારું” નહિ કરો, તંત સજો છો શીદ? વિશ્વ ૯૨. પરમારથ કરવા સદા, ઘારો ઉર ઉમંગ; ઈશ્વર-પ્રીતિ મેળવો, કરો સદા સત્સંગ. વિશ્વ ૯૩ સાર સુબોઘ લેવા તમે, કરો શુભા ઉપાય; તો સારું તારું થશે, હાનિ નહિ કંઈ થાય. વિશ્વ ૯૪