________________
(૩૩
રાવણ સરખો પણ મહારાય, રોળાણો એહથી રે લોલ; નહિ જેને નીતિ સહાય, ગયો તે દેહથી રે લોલ. ૧૦ બેની નીતિ વણ સંસાર, ભોગવશે બાઈઓ રે લોલ; તે તો દુઃખી ગણ અપાર, બેની કે ભાઈઓ રે લોલ. ૧૧ ગણીને એને સુખનું મૂળ, કહ્યું પ્યારી કરો રે લોલ; વળી એનું આખું જે કુળ, તે પણ સાથે ઘરો રે લોલ. ૧૨ એના દીકરા જે છે સપૂત, કપૂત ન નીવડ્યા રે લોલ; અનીતિ કેરા જે છે સુત, એ તો કષ્ટ ભર્યા રે લોલ. ૧૩ બેની બહુ કપટી ને કુટિલ, અસત્યને સેવતા રે લોલ; દુઃખ દેતાં ન કરે ઢીલ, નથી ઝટ નાસતા રે લોલ. ૧૪ તેની દીકરીઓ પણ એમ, ભરી વિષથી બહુ રે લોલ; એથી ઊલટી નીતિ તેમ, અમૃતરૂપી કહું રે લોલ. ૧૫ અનીતિથી વઘશે શોક, પછી દુઃખ આવશે રે લોલ; વળી એહ મુકાવે પોક, હીણી મતિ લાવશે રે લોલ. ૧૬ નીતિરૂપી રૂપિયા રોક, એ તો અમૂલ્ય છે રે લોલ; બેની અનીતિ વધારે કોક, એ તો બહુ ભૂલ છે રે લોલ. ૧૭ હું શું વધું કરું વખાણ, બુદ્ધિ નહિ માહરી રે લોલ; એ તો અમૃત કેરી ખાણ, સર્વાંશે જો ઘરી રે લોલ. ૧૮ કરો અનીતિ ઉપર રોષ, સુખી તમો થશો રે લોલ; એમાં ગણો અતિશય દોષ, કુસંપ આવે ઘસ્યો રે લોલ. ૧૯ વંદી વદતો રાયચંદ, હું નીતિ-દાસ છું રે લોલ; અનીતિથી વાઘે જૂઠા ફંદ, કરું તેનો નાશ હું રે લોલ. ૨૦
