________________
૧૭૬ : સ્વાધ્યાય સંચય
જય જગત્રાતા, જગતભ્રાતા, જન્મ હર જગદીશ્વરા, સુખ સર્વ કારણ, ધર્મચારણ, ધીર વીર મહેશ્વરા; અતિ કર્મ કંદન, ચિત્ત ચંદન, ચરણ કમળ ચિત્ત ધરું,
સહજાસ્મરૂપી સેવ્ય ગુરુને વંદના વિધિએ કરું. ૧ આનંદસાગર-ચંદ્ર, નાગર-વૃંદ શ્રી સુખકંદ છો, ભવ ફંદ હારક, છંદ ધારક, સર્વ સદ્ગણ ચંદ્ર છો; સુખકાર છો ભવપાર નહીં કંઈ સાર ચિત્તમાં હું ધરું. સહજા ૦ ૨ વિકરાળ આ કળિકાળ કેરી, ફાળથી ભય પામતો, ગુરુ ચરણ કેરા શરણ આવ્યો, ચિત્તમાં વિશ્રામતો; ગુરુ પૂરણ પ્રેમી કર ધરે શિર એમ આશા આચરું. સહજા ૦ ૩ કરી કોપ ચાર કષાય બાંધે, બંધ આશા પાશનો; અતિ માર મારે માર તેમાં, કામની અભિલાષનો; છો નિર્વિકારી પાસ રાખો, ભક્તિ હું દિલમાં ધરું. સહજા૦ ૪ નિજ ધામ ચંચળ, વિત્ત ચંચળ, ચિત્ત ચંચળ સર્વથી, હિત મિત્ર ને સુકલત્ર ચંચળ, જાય શું મુખથી કથી; સ્થિર એક સદ્ગુરુ દેવ છો, એ ટેક અંતર આદરું. સહજા ૦ ૫ ભવ મંડપે કરી પ્રીત માયાસેજ સુંદર પાથરી, ત્યાં નિત્ય સૂતો ગાઢ નિદ્રા, મોહની અતિ આચરી; જાગ્રત કરી ગુરુ રાજચંદ્ર, બોધદાન કર્યું શરું. સહજા ૦ ૬
જ્યકાર શ્રી ગુરુદેવનો, જન જગતમાંહી ગજાવજો, શુભ ભક્તના જે ધર્મ, તે અતિ પ્રેમ સાથ બજાવજો, ગુરુ ધર્મધારક, કર્મવારક, ધ્યાનમાં નિત્યે ધરું. સહજા ૦ ૭
દયાળુ દીનાનાથ અજ્ઞાનહારી, ખરા ચિત્તથી ધ્યાનમાંહી વિહારી; ઘણા શિષ્યના આપ સંતાપહારી, ગુરુ રાજચંદ્ર ગ્રહો બાંહ્ય મારી. ૧
