Page Text
________________ તથાપિ કઈ પ્રારબ્ધવશાત પરભાવને પરિચય બળવાનપણે ઉદયમાં હોય ત્યાં નિજ દબુદ્ધિમાં સ્થિર રહેવું વિકટ છે, એમ ગણી નિત્યનિવૃત્તબુદ્ધિની વિશેષ ભાવના કરવી, એમ મોટા પુરુષોએ કહ્યું છે. અલ્પકાળમાં અવ્યાબાધ સ્થિતિ થવાને અર્થે તે અત્યંત પુરુષાર્થ કરી જીવે પર પરિચયથી નિવર્તવું જ ઘટે છે, હળવે હળવે નિવૃત્ત થવાનાં કારણે ઉપર ભાર દેવા કરતાં જે પ્રકારે ત્વરાએ નિવૃત્તિ થાય તે વિચાર કર્તવ્ય છે; ...જે આમ છે તો મેહની સેના ઉપર વિજય મેળવવાને ઉપાય મેં પ્રાપ્ત કર્યો છે. આ રીતે મેં ચિંતામણિ પ્રાપ્ત કર્યો હોવા છતાં પ્રમાદ ચોર છે એમ વિચારી જાગ્રત રહે છે.' આત્મજ્ઞાનની તિ જેના જીવનમાં પ્રકાશિત થઈ ગઈ છે તે પુરુષ જે વિશિષ્ટ નિર્વિકલ્પ આત્મસમાધિને ઈચ્છતા હોય તે તેણે શું કરવું આવશ્યક છે તે હવે જણાવે છે. વર્તમાનકાળની દષ્ટિએ સામાન્યપણે વિચારીએ તે આત્મજ્ઞાની પુરુષને અપ્રમત્ત ગુણસ્થાન સુધી પહોંચવાને પુરુષાર્થ સિદ્ધ થતાં બાર વર્ષથી અધિક કાળ તે સહેજે નીકળી જાય તેવું છે. પછી તે જે જ્ઞાનીને જે પુરુષાર્થ અને જેવી તેના સમસ્ત વ્યક્તિત્વની યોગ્યતા. વળી આ કળિયુગમાં અલ્પ આયુષ્ય અને અલ્પ બળ છે તેથી જ્ઞાનીએ પણ ત્વરિત ગતિથી નિરાબાધ આત્મસ્થિરતાની સિદ્ધિ થાય તે માટે, આત્મલક્ષે અને સદ્દગુરુ આજ્ઞાએ સત્સાધનને અંગીકાર કરવારૂપ રત્નત્રયની પ્રાપ્તિનો પુરુષાર્થ સતતપણે કરે યોગ્ય છે. અહીં તે તેવા મહાપુરુષને પણ કહે છે કે હે સમ્યગદષ્ટિ ! અપ્રમત્ત સમાધિના આનંદની ખરેખર અભિલાષા હોય તે હળવી હળવી ક્રમિક નિવૃત્તિ નહીં લેતાં, આક્રમક થઈ મોટાં મોટાં કર્મોના જથ્થાને જલાવી દેવા માટે શાંત, શાંત, અતિશાંત થાઓ. બાહ્યમાં જેમને આશ્રય લીધા વિના વિધવિધ પા૫ભાવ ઊપજી શકતાં નથી તેવા સાંસારિક સ્ત્રી, પુત્ર, મિત્ર, મટર, બંગલા, સોનું, ચાંદી, ઝવેરાત, શેર, ફિકસ્ડ ડિપોઝિટ, રાચરચીલું આદિ જગતના સમસ્ત પદાર્થોથી બળપૂર્વક હટી જાઓ. વળી, અંતરમાં રિદ્ધિસિદ્ધિ આદિની તથા સ્વર્ગલેકની ઈચ્છાઓ, પ્રબળ એવી લોકેષણા કે સમાજના અમુક વર્ગના કલ્યાણની ભાવનાના બહાના હેઠળ પિોષાઈ રહેલા સૂક્ષ્મ માન-લાભના ભાવોના સંચારને સમૂળ ઉખાડીને ફેંકી દે. જે આમ કરશે તે જ જીવનની અભીષ્ટ ભાવનાની સિદ્ધિ કરી શકશે. સાંભળો આ શ્રીગુરુઓનાં વચન : 1. શ્રી પ્રવચનસાર, તત્વાર્થદીપિકા, ગાથા 80 મી તથા ગાથા 81 ની ઉત્થાનિકા. અધ્યાત્મને પંથે - 53
| SR No. | 007117 |
| Book Title | Adhyatmane Panthe |
| Original Sutra Author | Shrimad Rajchandra |
| Author | Mukund Soneji |
| Publisher | Satshrut Seva Sadhna Kendra |
| Publication Year | 1980 |
| Total Pages | 6 |
| Language | Gujarati |
| Classification | Book_Gujarati |
| File Size | 11 MB |