________________
પ્રસ્તાવના
મોક્ષનો માર્ગ બહાર નથી, પણ આત્મામાં છે. માર્ગને પામેલો માર્ગ પમાશે.”
આત્મલક્ષનું પરિણાઓ છેલ્લા કે
પરિપુષ્ટિ કરી
પરમ જ્ઞાનાવતાર, સનાતન વીતરાગ માર્ગના ઉદ્ધારક, પ્રચંડ આત્મપરિણામી, પરમકૃપાળુદેવ શ્રીમદ્ રાજચંદ્રજીએ ચીંધેલા માર્ગે વિચરનારા, તેઓશ્રીના પરમ ભક્ત સંતહૃદય પ.પૂ. શ્રી રાકેશભાઈની આત્મશ્રેયસ્કારી નિશ્રામાં અમે, “શ્રીમદ્ રાજચંદ્ર આધ્યાત્મિક સત્સંગ સાધના કેન્દ્રના મુમુક્ષુઓ છેલ્લા દોઢેક દાયકાથી અમારા આત્મલક્ષનું પરિપ્રેક્ષણ અને અધ્યાત્મરુચિની પરિપુષ્ટિ કરી રહ્યા છીએ. પરમોપકારી શ્રી રાકેશભાઈની સામર્થ્યમયી નિશ્રાના અમૂલ્ય માર્ગદર્શન હેઠળ અમારી આધ્યાત્મિક સાધના સમગ્ર વર્ષ દરમ્યાન વિધવિધ પ્રકારે પ્રેમોલ્લાસપૂર્વક પ્રગતિરત રહે છે. પ્રતિવર્ષ આ સાધના અંતર્ગત, પર્વાધિરાજ પર્યુષણ પર્વ નિમિત્તે શુદ્ધ મોક્ષમાર્ગની આરાધનામાં ઉપકારી થાય એવા કોઈ એક અનુભાવક ગ્રંથવિશેષ પર સ્વલક્ષી અધ્યયનસત્સંગની સાધના પણ સમાવિષ્ટ થયેલ છે.
પર્યુષણના આ આઠ દિવસ પર્યત જાતિ અને જગતનું યથાર્થ સ્વરૂપ દર્શાવી સ્વ-પર-ભેદવિજ્ઞાનની આરાધનામાં પ્રેરતી આધ્યાત્મિક સત્સંગશ્રેણી દ્વારા પ.પૂ. શ્રી રાકેશભાઈ, પૂર્વનિર્ધારિત પરમાર્થપ્રધાન મંથના વિષયની વિશિષ્ટ છણાવટ કરી, વર્ષોવર્ષ આ પર્વને તથા એ દરમ્યાન થતી સાધનાને અધિકાધિક જોમવંત અને હેતુલક્ષી બનાવી રહ્યા છે. વિગત વર્ષોના પર્યુષણ પર્વ દરમ્યાન તેઓશ્રીએ પરમકૃપાળુદેવ શ્રીમદ્ રાજચંદ્રજી રચિત અપૂર્વ અવસર' કાવ્ય તથા છ પદનો પત્ર', ઉપાધ્યાય શ્રી યશોવિજયજીપ્રણીત “આઠ યોગદષ્ટિની સઝાય', કવિવર પંડિત શ્રી દોલતરામજીકૃત છ ઢાળા', શ્રીમદ્ પૂજ્યપાદસ્વામીવિરચિત “સમાધિતંત્ર', વિદ્વવર્ય પંડિત શ્રી દીપચંદજી કાસલીવાલરચિત
