________________
= મારા અનુભવો
સાચું સદાવ્રત ,
કિશનભાઈએ પોતાનું જીવન બહુ સરળ અને પ્રામાણિકતાથી વીતાવ્યું. તેઓએ જીવનમાં પરોપકારને પ્રથમ સ્થાન આપ્યું. પત્નીનો સ્વર્ગવાસ થઈ ગયા પછી સંતાનો પોતાના પરિવારમાં પરોવાઈ ગયા. આ બાબતે તેઓના મનમાં જરાપણ અસંતોષ નહોતો. પોતાના ઘરમાં તેઓ એકલાં જ રહેતા હતા અને આ રીતે સ્વતંત્રપણે જીવવામાં તેમને આનંદ મળતો. પોતાનું જમવાનું પણ તેઓ જાતે જ બનાવતા. તેઓએ એક નિયમ રાખ્યો હતો કે મારે દરરોજ એક વ્યક્તિને પેટ ભરાય એટલું વધુ રાંધવું અને જમવાનું તેઓ દરરોજ જાતે જ જઈને કોઈપણ એક વ્યક્તિને આપતાં અને ભૂખ્યા પેટને ભોજન આપીને સંતોષ લેતાં. તેઓએ આ નિયમનું વરસો સુધી નિયમિતપણે પાલન કર્યું હતું.
એક દિવસ તેઓ જમવાનું આપવા ગયા ત્યારે એક મંદિરના ઓટલા ઉપર એક ખૂબ દુઃખી બેનને તેઓએ જોઈ. આ જોઈ તેમના મનમાં કરુણા ઉત્પન્ન થઈ અને બેનને દુઃખનું કારણ પૂછ્યું. કિશનભાઈની દયાનો ભાવ જોઈને બેને પોતાની વીતકકથા કિશનભાઈને સંભળાવતા કહ્યું કે તેમના વરને દારૂ પીવાની ઘણી ટેવ હતી અને દારૂના નશામાં પત્ની પાસે દારૂ પીવા પૈસા માગતો. આવી દશામાં ગરીબાઈની ભીંસ વધતી ગઈ. એક દિવસ ગુસ્સામાં આવીને પતિએ તેની પત્નીને મારઝૂડ કરીને ઘરમાંથી કાઢી મૂકી. બેનનું કુળ ખાનદાન હતું. તેથી શરમની મારી તે બે-ત્રણ દિવસભૂખી ઘરની બહાર બેસી રહી પણ પતિએ તેને
૮૭
