________________
મારા અનુભવો હું રેડી છું
શ્રીમતી ઉર્મિલા ધોળકિયા ભરત મારા ભાઈનો સૌથી નાનો દીકરો. સંયુક્ત કુટુંબમાં નાનો દીકરો. બધાનાં લાડ પામે છે, ખાસ કરીને દાદીમાનો તે “લાડકો' હોય છે. હવે આ ભરતભાઈ મોટા થઈ ગયા છે અને દાદીમાનું લાડનું વ્યાજ પાછું આપે છે. આ મઝા છે સંયુક્ત કુટુંબની ! જેમાં દાદા-દાદી પરિવારની હૂંફમાં વૃદ્ધાવસ્થાને ભોગવે છે. મારા મા એટલે ભારતના દાદી. હરવાફરવાનાં શોખીન પરંતુ વૃદ્ધાવસ્થાને કારણે હવે બહારગામ જવા માટે તેમની સ્પષ્ટ ના હોય છે, પણ ભરતભાઈ જે તેમનાં પ્રિય પ્રૌત્ર છે, તેઓને માથે એક ધૂન સવાર થઈ ગઈ કે મારે બાને મુંબઈથી કલકત્તા લઈ જવાં છે. '
આ વાતની જાણ થતાં મેં માને પૂછ્યું, “મા, કલકત્તા જવું છે?” , “ના રે ના, હવે આ ઉંમરે જવાતું હશે?” મા મક્કમ હતી.
મા, ભરત તને લઈ જવાની તૈયારી કરી રહ્યો છે અને ટિકિટ પણ લઈ આવવાનો છે.” મેં જવાબ આપ્યો. '
“ભરત તો સાવ ગાંડિયો છે, પણ ખૂબજ પ્રેમાળ છે.. પરંતુ મારામાં હવે જરાપણ શક્તિ નથી. ઉંમરનો તકાદો છે.” . • ઘરના બધા સભ્યોએ માની લીધું કે આ વખતે તો ભરતભાઈ હારી જવાનાં, પણ જેમ રામાયણનાં ભરતભાઈએ રાજ-સિંહાસન ઉપર રામનો જ અધિકાર રહેશે એવું વચન લઈને, પાળી બતાવ્યું હતું તેમ આ ભરતભાઈએ પણ માને પોતાની સાથે કલકત્તા જરૂર લઈ જશે એવું મનોમન વચન લઈ હતું. હવે જુઓ નીચેનો સંવાદ -
