________________
तावस-परिवायगा। 35 वाससयसहस्समभहियं ठिई । पाराहगा ? णो इणठे समठे (१0) ॥१॥
से जे इमे गामेसु जाव सन्निवेसेसु पन्वइया समणा भवंति, तंजहा--कंदप्पिया कुक्कुइया मोहरिया गीयरइप्यिया नच्चणसीला, ते णं एएण विहारेण विहरमाणा बहूइं वासाइं सामण्ण परियागं पाउणंति बहूई वासाइ सामण्ण परियागं पाउणित्ता तस्स ठाणस्स अणालोइयप्प डिक्कंता कालमासे कालं किच्चा उक्कोसेणं सोहम्मे कप्पे कंदप्पिएम देवेसु देवत्ताए उववत्तारो भवंति, तहिं तेसिं गई तहिं तेसिं ठिई (११) ॥२॥
से जे इमे जाव परिवायगा भवंति, तं जहा, संखा जोई कविला भिउच्चा हंसा परमहंसा बहुउदया कुडिव्वया कण्हपरिवायगा; तत्थ खलु इमे अट्ठ माहणपरिष्वायगा भवंति, तं जहा-कण्हे अ करकंडे अ अंबडे अ परासरे; कण्हे दीवायणे चेव, देवगुत्ते य नारए ॥१॥ तत्थ खलु इमे अट्ठ खत्तियपरिव्वायगा भवंति, तं जहा, सीलई ससिहारे' य णग्गई भग्गई तिया विदेहे रायाराया, रायारामे बलेति य (१२) ॥३॥
ते णं परिव्वायगा रिउवेदजजुव्वेदसामवेयअहव्वणवेयइतिहासपंचमाणं निघंटुछट्ठाणं संगोवंगाणं सरहस्साणं चउण्डं वेयाणं सारगा पारगा धारगा वारगा सडंगवी, सद्वितंतविसारया, संखाणे, सिवखाकप्पे वागरणे छंदे णिरुत्ते जोतिसामयणे अण्णेसु य बंभण्णएसु य सत्थेसु सुपरिणिट्ठिया यावि होत्था ॥४॥
ते णं परिवायगा दाणधम्मं च सोयधम्मंच 1 Leumann riferit. . 2 Leumann omits.
Jain Education International
For Private & Personal Use Only
www.jainelibrary.org
