________________
299
[१०]
* ते पव्वइते सोनु मेतज्जो आगच्छती जिणसगासं । वच्चामि ण वंदामि वंदित्ता पज्जुवासामि ॥ १९४९ ॥
* आभट्ठो य जिणेणं जाति-जरा-मरणविप्पमुक्केणं । णामेण य गोत्तेण य सव्वण्णू सव्वदरिसी णं ॥ १९५० ॥
*किं मण्णे परलोगो अस्थि ण अस्थि त्ति संसयो तुज्झं । वेतपताण य अत्थं ण याणसी तसिमो अत्थो ॥ १९५१ ॥
मण्णसि जति चेतण्णं मज्जंगमतो व्व भूतधम्मो त्ति । तो त्थि परो लोगो तण्णासे जेण तण्णासो ॥ १९५२ ॥
अध वि तयत्थंतरता ण य णिच्चत्तणमओ वि तदवत्थ । अणलस्स व अरणाओ भिण्णस्स विणासधम्मस्स ॥ १९५३ ॥
अध एगो सव्वगओ णिकिरिओ तह वि णस्थि परलोगो । संसरणाभावाओ वोमस्स व सव्वपिंडेसु ॥ १९५४ ॥
इध लोगातो व परो सुरादिलोगो ण सो वि पच्चक्खो । एवं पि ण परलोगो सुव्वति य सुतीसु तो संका ॥ १९५५ ॥ भूतिदियातिरित्तस्स चेतणा सो य दव्यतो णिच्चो । जातिस्सरणातीहिं पडिवज्जसु वायुभूति व्व ॥ १९५६ ॥ ण य एगो सव्वगतो णिकिरियो लक्खणातिभेतातो । कुंभातओ व्व बहवो पडिवज्ज तर्मिदभूति व्व ॥ १९५७ ॥
इधलोगातो य परो सोम्म : मुरा णारगा य परलोगो । पडिवज्ज मोरियाकंपिय व्व विहितप्पमाणातो ॥ १९५८ ॥
जीवो विण्णाणमयो तं चाणिच्चं ति तो ण परलोगो । अध विण्णाणादण्णो तो अणभिण्णो जधागासं ॥ १९५९ ॥
एत्तो चिचय ण स कत्ता भोत्ता य अतो वि णत्थि परलोगो । जं च ण संसारी सो अण्णाणामुत्तिओ खं व ॥ १९६० ॥
मण्णसि विणासि च तो उम्पत्तिमदादितो जधा कुंभो । णणु एतं चिय साधणमविणासित्ते वि से सोम्म ॥ १९६१ ॥
1 अत्थि णत्थि-मु०, को० । - परलोगा-मु.।
Jain Education International
For Private & Personal Use Only
www.jainelibrary.org
