________________
॥ बीओ उद्देसो ॥ . दो साहम्मिया एगयओ विहरंति एगे तत्थ अन्नयरं अकिच्चटाणं पडिसेवित्ता आलोपज्जा ठवणिज्ज ठावइत्ता करणिज्जं वेयावडियं ॥१॥
दो साहम्मिया एगयओ विहरंति दोवि ते अण्णयरं अकिच्चट्ठाणं पडिसेविना आलोएज्जा एगं तत्थ कप्पागं ठावइत्ता एगे णिव्विसेज्जा अह पच्छा सेवि णिन्विसेज्जा ॥२॥ 1. बहवे साहम्मिया एगयो विहरंति एगे तत्थ अण्णयरं अकिच्चहाणं पडिसेवित्ता आलोएज्जा, तत्थ ठवणिज्ज ठावइत्ता करणिज्जं वेयावडियं ॥३॥
बहबे साहम्मिया एगयओ विहरंति सम्वेवि ते अण्णयरं अकिच्चट्ठाणं पडिसेवित्ता आलोएज्जा, एग तत्थ कप्पागं ठावइत्ता अवसेसा णिव्विसिज्जा, अह पच्छा सेवि णिबिसेज्जा ॥४॥
परिहारकप्पट्टिए भिक्खू गिलायमाणे अण्णयरं अकिच्चट्ठाणं पडिसेविचा आलोएज्जा से य संथरेज्जा ठवणिज्ज ठावइत्ता करणिज्ज वेयावडियं,
से य णो संथरेज्जा अणुपारिहारिएणं करणिज्ज वेयावडियं, से य संते बले अणुपारिहारिएणं कीरमाणं वेयावडियं साइज्जेज्जा से य कसिणे तत्थेव आरुहियव्वे सिया ॥५॥ ___परिहारकप्पट्टियं भिक्खू गिलायमाणं णो कप्पइ तस्य गणावच्छेयगस्स णिज्जूहित्तए अगिलाए तस्य करणिज्जं वेयावडियं जाव तओ रोगायंकायो विप्पमुक्को, तो पच्छा तस्स अहालहुस्सए नामं ववहारे पट्टवियव्वे सिया ॥६॥
अणवठ्ठप्पं भिक्खुं गिलायमाणं नो कप्पइ तस्स गणावच्छेयगस्स निजहित्तए, अगिलाए तस्स करणिज्ज वेयावडियं जाव तओ रोगायंकाओ विप्पमुक्को तओ पच्छा तस्स अहालहुस्सए नामं ववहारे पट्टवियत्वे सिया ॥७॥
पारंचियं भिक्खु गिलायमाणं नो कप्पइ तस्स गणावच्छेयगस्स निज्जहित्तए, अगिलाए तस्स करणिज्जं वेयावडियं जाव तओ रोगायकाओ विप्पमुक्को तो पच्छा तस्स अहालहुस्सगे नामं ववहारे पठवियव्वे सिया ॥८॥
खित्तचित्तं भिक्खु गिळायमाणं नो कप्पइ तस्स गणावच्छेयगस्स निज्जूहित्तए, अगिलाए तस्स करणिज्जं वेयावडियं जाव तो रोगायंकाओ विप्पमुक्को, तओ पच्छा तस्स अहालहुस्सए नामं ववहारे पट्टबियव्वे सिया ॥९॥
