________________
४६८
जम्बूद्वीपप्रज्ञप्तिसूत्रे सोभयंता चत्तारि देवसाहस्सीओ सीहरूवधारीणं पुरथिमिल्लं वाहं वहति । चंदविमाणस्स णं दाहिणेणं सेयाणं सुभगाणं सुप्पभाणं संखतलविमलनिम्मल दधिघणगोखीरफेणरययणिगरप्पगासाणं वइरामय कुंभजुयल सुट्रियपीवरवरवइरसोंडवट्टियदित्त सुरत्तपउमप्पगासाणं अब्भुण्णयमुहाणं तवणिजविसालकण्णचंचलचलंतबिमलुज्जलाणं महुवण्णभिसंत णिद्धपत्तल निम्मल तिवण्णमणिरयणलोयणाणं अब्भुग्गय मउलमल्लिया धवलसरिससंठिय णिव्वणदढकसिणफासियामयसुजाय दंतमुसलोवसोभियाणं कंचणकोसीपविट्ठदंतग्गविमलमणि. रयणरुइलपेरंतचित्तरूयगविराइयाणं तवणिज विसाल तिलगप्पमुहपरिमंडियाणं नानामणिरयणमुद्धगेविजबद्धगलयवरभूसणाणं वेरुलिय विचित्तदंडनिम्मल वइरामयतिक्खल? अंकुसकुंभजुयल यंतरोडियाणं तवणिज सुबद्ध कच्छप्पिय वलुधुराणं विमलघणमंडल वइरामय लालाललियतालणाणं णाणामणिरयणघंटपासग रजतामयबद्धलज्जुलंबिय घंटाजुयलमहुरसरमणहराणं अल्लोण पमाणजुत्तवष्टिय सुजायलक्खणपसत्थरमणिजवालगत्तपुंछणाणं उचिय पडिपुण्ण कुंभ चलणलहुविकमाणं अंकमयणक्खाणं तवणिज्जजीहाणं तवणिज्जतालुयाणं तवणिज्ज जोत्तग सुजोइयाणं कामगमाणं पोइगमाणं मणोगमाणं मणोरमाणं अमियगईणं अमिबलवीरियपुरिस्सकारपरकमाणं महया गंभीरगुलगुलाइय रवेणं महुरेणं मणहरेणं प्रेता अंबरं दिसाओ य सोमंता चत्तारि देवसाहस्सीओ गयरूवधारीणं देवाणं दक्खिणिल्लं वाहं परिवहति ति। चंदविमाणस्स णं पञ्चस्थिमेणं सुभगाणं सुप्पभाणं चलचवलकुहसालीणं धणनिचिय सुबद्धलक्खणुण्णय ईसियाणय वसभोट्ठाणं चंकमियललिय पुलिय चलचवलगव्वियगईणं सन्नत्त. पासाणं संगतपासाणं सुजायपासाणं पीवरवट्टिय सुसंठिय कडीणं ओलंब पलंब लक्षणपमाणजुत्तरमणिजबालगंडाणं समखुरवालिधाणाणं
જમ્બુદ્વીપપ્રજ્ઞપ્તિસૂત્રા
