________________
जम्बूद्वीपप्रज्ञप्तिसूत्रे णस्स उत्तराभिमुही पव्वएणं गंता महया घडमुहपवत्तिएणं मुत्तावलिहारसंठिएणं साइरेगजोयणसइएणं पवाएणं पवडइ । रोहियंसा णामं महाणई जओ पवडइ, एत्थ णं महं एगा जिभिया पण्णत्ता, सा णं जिब्भिया जोयणं आयामेणं अद्धतेरसजोयणाई विक्खंभेणं, कोसं बाह. ल्लेणं नगरमुहविउट्ठसंठाणसंठिया सव्ववइरामई अच्छा रोहियंसा महाणई जहिं पवडइ एत्थ णं महं एगे रोहियंसा पवायकुंडे णामकुंडे पण्णत्ते, सवीसं जोयणसयं आयामबिक्खंभेणं, तिण्णि असीए जोयणसए किंचिविसेसूणे परिक्खेवेणं, दसजोयणाइं उब्वेहेणं अच्छे कुंड. वण्णओ जाव तोरणा, तस्स णं रोहियंसा पवायकुंडस्स बहुमज्झदेसभाए एत्थ णं महं एगे रोहियंसा णामं दोवे पण्णत्ते, सोलस जोयणाई आयामविक्खंभेणं, साइरेगाइं पण्णासं जोयणाई परिक्खेवेणं, दो कोसे ऊसिए जलंताओ, सव्वरयणामए अच्छे सण्हे० सेसं तं चेव जाव भवणं अटो य भाणियव्वोत्ति । तस्स णं रोहियंसाप्पबायकुंडस्स उत्तरिल्लेणं तोरणेणं रोहियंसा महाणई पवूढा समाणी हेमवयं वासं एजमाणी २ चउद्दसहिं सलिलासहस्सेहिं आपूरेमाणी २ सद्दावइ वट्टवेयड्डपब्वयं अद्धजोयणेणं असंपत्ता समाणी पञ्चत्थाभिमुही आवत्ता समाणी हेमवयं वासं दुहा विभयमाणी २ अट्ठावीसाए सलिलासहस्से हिं समग्गा अहे जगई दालइत्ता पञ्चत्थिमेणं लवणसमुदं समप्पेइ, रोहियंसा णं परहे अद्धतेरसजोयणाई विक्खंभेणं कोसं उठवेहेणं, तयणंतरं च णं मायाएर परिवद्धमाणी २ मुहमूले पणवीसं जोयणसयं विक्खंभेणं अड्डाइज्जाई जोयणाई उव्वेहेणं उभओ पासिं दोहिं पउमवरवेइयाहिं दोहि य वण. संडेहिं संपरिक्खत्ता ॥सू० ६॥
छाया-तस्य खलु पद्महदस्य औत्तराहेण तोरणेन रोहितांसा महानदी प्रव्यूढा सती इस छठे सूत्र का अर्थ इसकी छाया से ही जाना जा सकता है ऐसा है ।सू.६॥
ટીકાર્થ-આ છઠ્ઠા સૂત્રને અર્થ એ સૂત્રની છાયા દ્વારા જ જાણી શકાય છે. સૂત્ર ૬
જમ્બુદ્વીપપ્રજ્ઞપ્તિસૂત્ર
