________________
६४४
जम्बूद्वीपप्रज्ञप्तिसूत्रे कप्पस्स मज्झं मझेणं तं दिव्वं देवद्धिं जाव उवदंसेमाणे २ जेणेव सोहम्मस्स कप्पस्स उत्तरिल्ले णिज्जाणमगे तेणेव उवागच्छइ, उवागच्छित्ता जोयणसयसाहस्सीएहिं विग्गहेहिं ओवयमाणे ओवयमाणे ताए उकिटाए जाव देवगईए वीईवयमाणे वीईवयमाणे तिरियमसंखि जाणं दीवसमुदाणं मज्झं मज्झेणं जेणेव णंदीसरवरे दीवे जेणेव दाहि. णपुरथिमिल्ले रइकरगपठवए तेणेव उवागच्छइ उवागच्छित्ता एवं जा चेव सूरियाभस्स व तव्वया णवरं एकाहिगारो व तटवो इति जाव तं दिव्वं देविद्धिं जाव दिव्वं जाणविमाणं पडिसाहरमाणे २ जाव जेणेव भगवओ तित्थयरस्स जम्मण नगरे जेणेव भगवओ तित्थयरस्स जम्मणभवणं तेणेव उवागच्छइ, उवागरिछता तित्थयरस्स भगवओ जम्मणभवणं तेणं दिव्वेणं जाणविमाणेणं तिक्खुतो आयाहिणपयाहिणं करेइ, करित्ता भगवओ तित्थयरस्स उतरपुरस्थिमे दिसीभागे चउरंगुलमसंपतं धरणियले तं दिव्वं जाणविमाणं ठवेइ ठविता अहिं अग्गमहिसीहि दोहिं अणिएहिं गंधवाणीएण य णट्टाणीएण य सद्धि ताओ दिवाओ जाणविमाणाओ पुरथिमिल्लेणं तिसोवाणपडिरूवएणं पञ्चोरुहइ ।
तए णं सकस्स देविंदस्स देवरणो चउरासीई सामाणिअ साहस्सीओ दिव्वाओ जाणविमाणाओ उत्तरिल्लेणं तिसोपाणपडिरूवएणं पच्चोरुहंति अवसेसा देवा य देवीओ अ ताओ दिव्वाओ जाणविमाणाओ दाहिणिल्लेणं तिसोवाणपडिरूवएणं पच्चोरुहंतिति। तए णं से सक्के देविंदे देवराया चउरासीए सामाणियसाहस्सिएहिं जाव सद्धिं संपरिबुडे सव्विद्धीए जाव दुंदुभिणिरघोसणाइयरवेणं जेणेव भगवं तित्थयरे तित्थयरमाया य तेणेव उवागच्छइ उवागच्छित्ता आलोए चेव पणामं करेइ करिता भगवं तित्थयरं तित्थयरमायरं च तिक्खुत्तो आयाहिणपयाहिणं करेइ करिता करयल जाव एवं वयासी नमोत्थु ते रयणकुच्छिधारए एवं जहा दिसाकुमारीओ जाव धण्णासि पुण्णासि
જમ્બુદ્વીપપ્રજ્ઞપ્તિસૂત્ર