________________
६०६
जम्बूद्वीपप्रज्ञप्तिसूत्रे देविदे देवराया गच्छइणं भो सक्के देविंदे देवराया जंबुद्दीवे दीवे भगवओ तित्थयरस्स जम्मणमहिमं करित्तए, तं तुब्भेवि णं देवाणुप्पिया। सव्विद्धीए सव्वजुईए सव्वबलेणं सव्वसमुदयेणं सव्वायरेणं सव्वविभूईए सवविभूसाए सव्वसंभमेणं ससणाडएहिं सव्वोवरोहेहि सव्वपुप्फगंधमल्लालंकारविभूसाए सव्वदिव्वतुडियसदसणिणाएणं महया इद्धीए जाव रवेणं णिययपरियालसंपरिखुडा सयाई सयाइं जाणविमाणवाहणाई दुरूढा समाणा अकालपरिहीणं चेव सकस्त जाव अंतियं पाउब्भवह । तएणं से हरिणेगमेसी देवे पायत्ताणीयाहिवई सक्केणं ३ जाव एवं वुत्ते समाणे हट्ट तुट्ठ जाव एवं देवोत्ति आणाए विणएणं वयणं पडिसुणेइ पडिसुणित्ता सक्कस्स ३ अंतियाओ पडिणिक्खमइ पडिणिक्खमित्ता जेणेव सभाए सुहम्माए मेघोघरसियगंभीरमहुरयरसदा जोयणपरिमंडला सुघोसा घंटा तेणेव उवागच्छइ, उवागच्छित्ता तं मेघोघरसियगंभीरमहुरयरसदं जोयणपरिमंडलं सुघोसं घंटे तिक्खुतो उल्लालेइ तएणं तीसे मेघोघरसियगंभीरमहुरयरसदाए जोयणपरिमंडलाए सुघोसाए घंटाए तिक्खुत्तो उल्लालियाए समाणीए सोहम्मे कप्पे अपणेहिं एगणेहिं बत्तीसविमाणावाससयसहस्सेहिं अण्णाई एगूणाई बत्तीसं घंटासयसहस्साई जमगसमगं कणकणारावं काउं पयत्ताई हुत्था इति, तएणं सोहम्मे कप्पे पासायविमाणनिक्खुडावडियसहसमुट्रिय घंटापडेंसुया सय सहस्ससंकुले जाए यावि होत्था इति, तएणं तेसिं सोहम्मकप्पवासीणं बहणं वेमाणियाणं देवाणय देवीणय एगंत रइपसत्तणिच्चपमत्त विसय सुहमुच्छियाणं मूसरघंटारसियविउलबोलपूरियचवलपडिबोहणे कए समाणे घोसणकोऊहलदिण्णकण्णएगग्गचित्त उवउत्तमाणसाणं से पायताणीयाहिवई देवे तंसि घंटारवसि निसंतपडिसत्तसि समाणंसि तत्थ तत्थ तहिं तहिं देसे महया महया सद्देणं उग्घोसेमाणे उग्घोसे. माणे एवं वयासीति हंत ! सुणं तु भवंतो बहवे सोहम्मकप्पवासी वेमा
જમ્બુદ્વીપપ્રજ્ઞપ્તિસૂત્રા
