________________
६०४
जम्बूद्वीपप्रज्ञप्तिसूत्रे अथेन्द्रकृत्यावसरमाहमूलमू- तेणं कालेणं तेणं समएणं सक्के णामं देविंदे देवराया वजपाणी पुरंदरे सयकऊ सहस्सक्खे मघवं पागसासणे दाहिणद्धलोकाहिवई बत्तीसविमाणावाससयसहस्साहिबई एरावणवाहणे सुरिंदे अरयं बरवत्थधरे आलइयमालमउडे नवहेमचारुचित्तचंचलकुडलविलिहिज्जमाणगंडे भासुरबोंदी पलंबवणमाले महिडिए महज्जुईए महावले महा जसे महाणुभागे महासोक्खे सोहम्मे कप्पे सोहम्मवडिसए विमाणे सभाए सुहम्माए साकसि सीहासणंसि से गं तत्थ बत्तीसाए विमाणा. वाससयसाहस्तीणं चउरासीए सामाणियसाहस्सीणं तायत्तीसाए ताय. त्तीसगाणं चउण्हं लोगपालाणं अटण्हं अग्गमहिसीणं सपरिवाराणं तिण्हं परिसाणं सतण्हं अणिआणं सत्तण्हं अणियाहिबईणं चउण्हं चउरासीणं आयरक्खदेवसाहस्सीणं अन्नेसि च बहूणं सोहम्मकप्पवासीणं वेमाणियाणं देवाण य देवीण य आहेवच्चं सामित्तं भट्टित्तं महत्तरगतं आणाईसरसेणावच्च कारेमाणे पालेमाणे महयाहयणगीयवाइयतंतीतलतालतुडियघणमुइंगपडुपडहवाइयरवेणं दिव्वाइं भोगभोगाइं भुंजमाणे विहरइ । तए णं तस्स सकस्त देविंदस्त देवरणो आसणं चलई । तए णं से सक्के जाव आसणं चलियं पासइ पासित्ता ओहिं पउंजइ पउंजित्ता भगवं तित्थयरं ओहिणा आभोएइ आभोइत्ता हट्टतुटूचित्ते आनंदिए पीइमणे परमसोमणस्सिए हरिसवसविसप्पमाणहियए धाराहयकयंबकुसुमचंचुमालइयऊसवियरोमकूवे वियसियवरकमलनयणवयणे पचलियवरकडगतुडियकेऊरमउडे कुंडलहारविरायंतवच्छे पालंबपलंबमाणघोलंतभूसणधरे ससंभमं तुरियं चवलं सुरिंदे सीहासणाओ अब्भु?ई अब्भुहिता पायपीठाओ पञ्चोरुहइ पञ्चोरुहिता वेरुलियवरिटुरिट अंजणनिउणोवियमिसिमिसिंत मणिरयणमंडियाओ पाउयाआ ओमुयइ
ओमुइत्ता एगसाडियं उत्तरासंगं करेइ करित्ता अंजलिमउलियग्गहत्थे तित्थयराभिमुहे सत्तट्ठपयाइं अणुगच्छइ अणुगच्छित्ता वामं जाणुं अंचेइ
જમ્બુદ્વીપપ્રજ્ઞપ્તિસૂત્ર
