________________
प्रकाशिका टीका-पञ्चमवक्षस्कारः सू.३ पौरस्त्यरुचकनिवासिनीनामवसरवर्णनम् ५८१ वियरगे णाभि णिहणंति णिहणित्ता रयणाण य वइराण य पुरेति पुरित्ता हरियालियाए पेटं बध्नति बधिनत्ता तिदिसिं तओ कयलीहरए विउव्वंति, तएणं तेसिं कयलीहरगाणं बहुमज्झदेसभाए तओ चाउस्सालए विउव्वंति, तए णं तेसिं चाउस्सालगाणं बहुमज्झदेसभाए सीहासणं विउव्वंति, तेसि णं सीहासणाणं अयमेयारूवे वण्णावासे पण्णत्ते सबो वण्णगो भाणियच्वो । तए णं ताओ रुयगमज्झवत्थच्वाओ चत्तारि दिसाकुमारीओ महत्तरीओ जेणेव भगवं तित्थयरे तित्थयरमाया य तेणेव उवागच्छंति उवागच्छित्ता भगवं तित्थयरं करयल संपुडेणं गिण्हंति तित्थयरमायरं च बाहाहि गिण्हंति, गिण्हित्ता जेणेव दाहिणिल्ले कयलीहरए जेणेव चाउसालाए जेणेव सीहासणे तेणेव उवागच्छंति उवागच्छित्ता भगवं तित्थयरं तित्थयरमायरं च सीहासणे णिसीयाति, णिसीयावेत्ता सयपागसहस्सपागेहिं तिल्लेहिं अभंगेति, अभंगित्ता सुरभिणा गंधवट्टएणं उव्वटेंति, उव्वट्टित्ता भगवं तित्थयरं करयलपुडेण तित्थयरमायरं च बाहासु गिण्हंति गिण्हित्ता जेणेव पुरथिमिल्ले कयलीहरए जेणेव चउसालए जेणेव सीहासणे तेणेव उवागच्छंति उवागच्छित्ता भगवं तित्थयरं तित्थयरमायरं च सीहासणे णिसीयावेंति णिसीयावेत्ता तिहिं उदएहिं मज्जावेंति, तं जहा-गंधोदएणं१, पुप्फोदएणं२, सुद्धोद. एणं३, मजावित्ता सव्वालंकारविभूसियं करेंति करित्ता भगवं तित्थयरं करयलपुडेणं तित्थयमायरं च बाहाहिं गिण्हंति गिण्हित्ता जेणेव उत्तरिल्ले कयलीहरए जेणेव चउसालए जेणेव सीहासणे तेणेव उवागच्छंति, उवागच्छित्ता भगवं तित्थयरं तित्थयरमायरं च सीहासणे णिसी. यावेंति णिसीयावित्ता आभियोगे देवे सदाविति सद्दावित्ता एवं वयासीखिप्पामेव भो देवाणुप्पिया ! चुल्लहिमवंताओ वासहरपव्वयाओ गोसी. सचंदणकट्टाई साहरह । तएणं ते आभियोगा देवा ताहिं रुयगमज्झ वत्थव्वाहिं चउहिं दिसाकुमारी महत्तरियाहिं एवं वुत्ता समाणा हट
જમ્બુદ્વીપપ્રજ્ઞપ્તિસૂત્રા