________________
प्रकाशिका टीका - चतुर्थ वक्षस्कार: सू० २९ द्वितीयविदेहविभाग निरूपणम् दोहिं पउमवरवेइयाहिं वणवण्णओ इति ।
कहि णं भंते ! जंबुद्दीवे दीवे महाविदेहे वासे वच्छे णामं विजए पण्णत्ते ?, गोयमा ! णिसहस्स वासहरपव्वयस्स उत्तरेणं सीयाए महाईए दाहिणं दाहिणिल्लस्स सीयामुहवणस्स पच्चत्थिमेणं तिउडस्स वक्खारपव्वयस्स पुरत्थिमेणं एत्थणं जंबुद्दीवे दीवे महाविदेहे वासे वच्छे णामं विजय पण्णत्त तं चैव पमाणं सुसीमा रायहाणी १, तिउडे वक्खारपव्वए सुवच्छे विजए कुंडला रायहाणी २, तत्तजलाणई, विजए अपराजिया रायहाणी ३, वेसमणकूडे वक्खारपव्वए वच्छावई विजय पभंकरा रायहाणी ४, मत्तजलाई रम्मे विजए अंकावई रायहाणी ५, अंजणे वक्खारपव्वए रम्मगेसविजए पहावई रायहाणी ६. उम्मत्तजला महाणई रमणिज्जे विजय सुभा रायहाणी ७, मायं जणे Farray मंगलावई विजए रयणसंचया रायहाणीति ८, एवं जह चैव सीयाए महाणईए उत्तरं पासं तहचेव दक्खिणिल्लं भाणियव्वं, दाहिणिल्लं सीयामुहवणाइ, इमे वक्खारकूडा-तं जहा - तिउडे १ वेसमणकूड २ अंजणे ३ मायंजणे ४ ( नई उ तत्तजला १ मत्तजला २ उम्मत्त जला ३) विजया तं जहा-बच्छे सुवच्छे महावच्छे, चउत्थे वच्छगावई । रम्मे रम्मए चेव, रमणिज्जे मंगलावर्ड ॥१॥ रायहाणीओ तं जहा - सुसीमा कुंडला चेव अपराजिय पहंकरा । अंकावई पम्हावई सुहा रयणसंचया ॥२॥ वच्छस्स विजयस्स णिसहे दहिणेणं सीया उत्तरेण दाहिणिल्ले सीयामुहवणे पुरत्थिमेणं तिउडे पञ्चत्थिमेणं सुसीमा रायहाणी पमाणं तं चेवेति वच्छानंतरं तिउडे तओ सुवच्छे विजए एए कमेणं तत्तजलाई महावच्छे विजए वेसमणकूडे वक्खारपव्वए बच्छावई विजए मत्तजला गई रम्मे विजए अंजणे वक्खारपव्वए रम्मए विजए उम्मत्तजला गई रमणिज्जे विजए मायंजणे वक्खारपव्वए मंगलावई विजए || सू०२९॥
જમ્બુદ્વીપપ્રજ્ઞપ્તિસૂત્ર
३७९