________________
३५०
जम्बूद्वीपप्रज्ञप्तिसूत्रे स्थिमेणं पंकावईए पच्चत्थिमेणं एत्थगं मंगलावते णामं विजए पण ते, जहा कच्छस्स विजए तहा एसो भाणियव्वो जाव मंगला वतेय इत्थ देवे परिवसइ, से एएटेणं ।
कहिणं भंते! महाविदेहे वासे पंकावई कुंडे णामं कुंडे पण्ण ते ?, गोयमा ! मंगलावत्तस्स पुरथिमेणं पुक्खलविजयस्स पञ्चत्थिमेणं णीलवंतस्स दाहिणे णितंबे, एत्थ णं पंकावई जाव कुडे पण ते तं चेव गाहावइकुंडप्पमाणं जाव मंगलव त पुक्खलावतविजए दुहा विभयमाणी२ अवसेसं तं चेव जं चेव गाहावईए । कहि णं भंते ! महाविदेहे वासे पुक्खलावते णामं विजए पण्णते ?, गोयमा ! णीलवंतस्स दाहिणेणं सीयाए उतरेणं पंकावईए पुरथिमेणं एकसे लस्स वक्खारपव्वयस्स पच्चत्थिमेणं, एत्थ ण पुक्खलावत्ते णांम विजए पण्णते जहा कच्छविजए तहा भाणियव्वं जाव पुक्खले य इत्यदेवे महिड्डीए पलिओवमदिइए परिवसइ, से एएणटेणं ।
कहि भंते ! महाविदेहे वासे एगसेले णामं वक्खारपध्वए पण्णते ? गोयमा ! पुक्खलावत्तचक्रवद्विविजयस्स पुरस्थिमेणं पोक्खलावइ चकवहिविजयस्स पञ्चत्थिमेणं णीलवंतस्स दक्खिणेणं सीयाए उतरेणं, एत्थ णं एगसेले णामं वक्खारपध्वए पण्णते, चित्तकूडगमेणं णेयव्वो जाव देवा आसयंति, चतारि कूड़ा, तं जहा-सिद्धाययणकूडे एगसेलकूडे पुक्खलावत्तकूडे पुक्खलावईकूडे, कूडाणं तं चेव पंचसइयं परिमाणं जाव एगसेले य देवे महिद्धीए।
कहि णं भंते ! महाविदेहे वासे पुक्खलावई णामं चकवष्टि विजए पण्णते ?, गोयमा ! णीलवंतस्स दक्खिणेणं सीयाए उत्तरेणं उत्तरिल्लस्स सीयामुहवणस्स पञ्चस्थिमेणं एगसेलस्स वक्खारपव्वयस्स पुरस्थिमेणं, एत्थ णं महाविदेहे वासे पुक्खलावई णामं विजए पण्णत्ते, उत्तरदाहिणायए एवं जहा कच्छविजयस्स जाव पुक्खलावई य इस्थ
જમ્બુદ્વીપપ્રજ્ઞપ્તિસૂત્રા
