________________
३४८
जम्बूद्वीपप्रज्ञप्तिसूत्रे तहेव सव्वं । कहि णं भंते ! जंबुद्दीवे दीवे महाविदेहे वासे गाहावइकुंडे पण्णते ? गोयमा ! सुकच्छविजयस्स पुरस्थिमेणं महाकच्छस्स विजवस्स पच्चत्थिमेणं णीलवंतस्स वासहरपव्वयस्स दाहिणिल्ले णितंबे एत्थ णं जंबुद्दीवे दीवे महाविदेहे वासे गाहावइकुंडे णामं कुंडे पण्णते, जहेव रोहियंसाकुंडे तहेव जाव गाहावइ दीवे भवणे, तस्स णं गाहावइस्स कुंडस्स दाहिणिल्लेणं तोरणेणं गाहावई महाणई पवूढा समाणी सुकच्छमहाकच्छविजए दुहा विभयमाणी २ अट्ठावीसाए सलिला सहस्सेहि समग्गा दाहिणेणं सीयं महाणइं समप्पेइ, गाहावई णं महाणई पवहेय मुहेय सव्वत्थ समा पणवीसं जोयणसयं विक्खंभेणं अद्धाइजाई जोयणाई उव्वेहेणं उभओ पासिं दोहि य पउमवरवेइयाहिं दोहिय वणसंडेहिं जाव दुण्हवि वण्णओ इति । कहि णं भंते! महाविदेहे वासे महाकच्छे णामं विजए पण्णत्ते !, गोयमा ! णीलवंतस्स वासहरपव्वयस्स दाहिणेणं सीयाए महाणईए उत्तरेणं पउमकूडस्स वक्खारवव्वयस्स पच्चत्थिमेणं गाहावईए पुरस्थिमेणं एत्थणं महाविदेहे वासे महाकच्छे णामं विजए पण्णत्ते, सेसं जहा कच्छविजयस्स जाव महाकच्छे इत्थ देवे महिद्धीए अटोय भाणियव्वो। कहिणं भंते ! महा विदेहे वासे पउमकूडे णामं वक्खारपवए पण्णते?, गोयमा ! णीलवं. तस्स दक्खिणेणं सीयाए महाणईए उत्तरेणं महाकच्छस्स पुरथिमेणं कच्छावईए पञ्चत्थिमेणं एत्थ णं महाविदेहे वासे पउमकूडे णामं वक्खारपव्वए पण्णते, उत्तरदाहिणायए पाईणपडीणवित्थिपणे सेसं जहा चित्तकूडस्स जाव आसयंति, पउमकूडे चत्तारि कूडा पण्णता, तं जहा सिद्धाययणकूडे १ पउमकूड २ महाकच्छकूडे ३ कच्छावइ कूडे ४ एवं जाव अटो, पउमकूडे इत्थ देवे महद्धीए पलिओवमट्टिईए परिवसइ, से तेणट्रेणं गोयमा ! एवं बुच्चइ । कहि णं भंते ! महाविदेहे वासे कच्छगावई णामं विजए पण्णत्ते ? गोयमा ! णीलवंतस्स दाहिणेणं सीयाए महा.
જમ્બુદ્વીપપ્રજ્ઞપ્તિસૂત્ર
