________________
जम्बूद्वीपप्रज्ञप्तिसूत्रे मणिपेढियाओ जोयणं आयामविक्खंभेणं अद्धजोयणं बाहल्लेणं सव्व मणिमईया सीहासणा भाणियत्वा ।
तेसि णं पेच्छाघरमंडवाणं पुरओ मणिपेढियाओ पण्णत्ताओ, ताओ णं मणिपेढियाओ दो जोयणाई आयामविक्खंभेणं जोयणं बाहल्लेणं सव्वमणिमईओ, तासि णं उपिं पत्तेयं २ तओ थूभा, ते णं थूमा जोयगाई उद्धं उच्चत्तेणं दो जोयणाई आयामविक्खभेणं सेया संखतल जाव अट्टमंगलगा।
तेसि णं शुभाणं चउदिसिं चत्तारि मणिपेढियाओ पण्णत्ताओ, ताओ णं मणिपेढियाओ जोयणं आयामविक्खंभेणं अद्ध जोयणं बाहल्लेणं, जिणपडिमाओ वत्तव्वाओ, चेइयरुक्खाणं मणिपेढियाओदो जोयणाई आयामविक्खंभेणं जोयणं बाहल्लेणं चेइयरुक्खवण्णओत्ति ।
तेसि णं चेइयरुक्खाणं पुरओ ताओ मणिपेढियाओ पण्णत्ताओ, ताओ णं मणिपेढियाओ जोयणं आयामविक्खंभेणं अद्धजोयणं बाहल्लेणं तासि णं उप्पिं पत्तेयं २ महिंदज्झया पण्णता, ते णं अद्धटुमाई जोयणाई उद्धं उच्चत्तेणं अद्धकोसं उव्वेहेणं अद्धकोसं बाहल्लेणं वइरामयवसवण्णओ वेइया वणसंडतिसोवाणतोरणा य भाणियव्वा । ___ तासिणं सभाणं सुहम्माणं छच्च मणोगुलिया साहस्तीओ पण्णत्ताओ, तं जहा-पुरस्थिमेणं दो साहस्तीओ पण्णत्ताओ पञ्चत्थिमेणं दो साहस्सीओ दक्खिणेणं एगा साहस्सी उत्तरेणं एगा जाव दामा चिटुंतित्ति, एवं गोमाणसियाओ. णवरं धूवघडियाओत्ति,
तासि णं सुहम्माणं सभाणं अंतो बहुसमरमणिज्जे भूमिभागे पण्णत्ते, मणिपेढिया दो जोयणाइं आयामविक्खंभेणं जोयणं बाहल्लेणं तासि णं मणिपेढियाणं उप्पि माणवए चेइयखंभे महिंदज्झयप्पमाणे उरि छक्कोसे ओगाहित्ता हेटा छक्कोसे वजित्ता जिसकहाओ पण्णताओत्ति, माणवगस्त पुटवेणं सीहासणा सपरिवारा पञ्चत्थिमेणं सय
જમ્બુદ્વીપપ્રજ્ઞપ્તિસૂત્ર