________________
१०२
जम्बूद्वीपप्रज्ञप्तिसूत्रे
भागस्स बहुमज्झदेसभाए एत्थ णं महं एगे भवणे पण्णत्ते, कोसं आयामेणं सेसं तं चैव पमाणं च अट्ठो य भाणियव्वो । तस्स णं रोहियप्पवाय कुंडस्स दक्खिणिल्लेणं तोरणेणं रोहिया महाणई पवूढा समाणी हेमवयं वासं एज्जेमाणी एज्जेमाणी सदावई वट्टवेयद्धपव्वयं अद्धजोयणं असंपत्ता पुरस्थाभिमुही आवत्ता समाणी हेमवयं वासं दुहा विभयमाण विभयमाणी अट्ठावीसाए सलिलासहस्सेहिं समग्गा अहे जगई दालइत्ता पुरस्थिमेणं लवणसमुदं समप्पेइ, रोहिया णं जहा रोहिअंसा तहा पवाहेय मुहे य भाणियव्वा इति जाव संपरिक्खित्ता । तस्स णं महापउमद्दहस्स उत्तरिल्लेणं तोरणेणं हरिकंता महाणई पवूढा समाणी पंचुतरे जोयणसए पंच एगूणवीसइभाए जोयणस्स उत्तराभिमुही पव्वएणं गंता महया घडमुहपवत्तिएणं मुत्तावलिहारसंठिएणं साइरेग दुजोयणसरणं पवाणं पवडइ, हरिकंता महाणई जओ पवडइ एत्थ णं महं एगा जिब्भिया पण्णत्ता, दो जोयणाई आयामेणं पणवीसं जोयनाइं विक्खंभेणं अद्धं जोयणं बाहल्लेणं मगरमुहविउट्टसंठाणसंठिया सव्वरयणामई अच्छा, हरिकंता णं महाणई जहिं पass एत्थ णं महं एगे हरिकंतप्पवायकुंडे णामं कुंडे पण्णत्ते, दोणि य चत्ताले जोयणसए आयामविक्खंभेणं सत्त य उणट्टे जोयणसए परिक्खेिवेणं अच्छे एवं कुंड बत्तव्वया सव्वा णेयव्वा जाव तोरणा, तस्स णं हरिकंतप्पवायकुंडस्स बहुमज्झ सभाए एत्थ णं महं एगे हरिकंतदीवे णामं दीवे पण्णत्ते, बत्तीसं जोयणाई आयामविक्खंभेणं एगुत्तरं जोयणसयं परिक्खेवेणं दो कोसे ऊसिए जलंताओ सव्वरयणामए अच्छे से णं एगाए पउमवरवेइयाए एगेण य वणसंडेणं जाव संपरिक्खित्ते, वण्णओ भाणियव्वोत्ति, पमाणं च सयणिज्जं च अट्ठो य भाणियव्वो, तस्स णं हरिकंतप्पवायकुंड - स्त उत्तरिल्लेणं तोरणेणं जाव पवूढा समाणी हरिवस्सं वासं एज्जेमाणी एज्जेमाणी विडावई वटुवेयद्धं जोयणेणं असंपत्ता पच्चत्थाभिमुही आवत्ता
"
જમ્બુદ્વીપપ્રજ્ઞપ્તિસૂત્ર
