________________
चन्द्राप्तिप्रकाशिकाटीका प्रा.१३ सू. ३ मण्डलेषु चन्द्रार्द्धमासचारनिरूपणम् ५७७ अद्धमासे नो चंदे अद्धमासे, ता चंदे अद्धमासे णो णक्खत्ते अद्धमासे । ता नक्सताओ अद्धमासाओ से चंदे चंदेणं अद्धमासेणं किमधियं चरइ ? ता एगं अद्धमंडलं चत्तारिय सत्तद्विभागाई अद्धमंडलस्स, सत्तट्ठिभागं एकतीसाए छेत्ता णवभागाइं । ता दोच्चायणगए चंदे पुरथिमिल्लाए भागाए णिक्खममाणे सत्त चउप्पण्णाईजाई चंदे परस्स चिण्णं पडिचरइ सत्त तेरसगाई जाइं चंदे अप्पणा चिण्णं चरइ ता दोच्चायणगए चंदे पच्चत्थिमाए भागाए निक्खममाणे छ चउप्पण्णाई जाई चंदे परस्स चिण्णं पडिचरइ-छ तेरसगाई चंदे अप्पणो चिण्णं पडिचरइ, अवरगाइं खलु दुवे तेरसगाई जाई चंदे केणइ असामन्नगाई सयमेव पविसित्ता २ चारं चरइ । कयराइं खलु ताई दुवे तेरसगाई जाइं चंदे केणइ असामण्णगाई सयमेव पविसित्ता २ चारं चरइ ? इमाइं खलु ताई दुवे तेरसगाई जाइं चंदे केणइ असामण्णगाई सयमेव पविसित्ता २ चारं चरइ तं जहा-सव्वब्भंतरे चेव मंडले, सव्वबाहिरे चेव मंडले । सव्व एयाई खलु ताई दुवे तेरसगाई जाइं चंदे केणइ जाव चारं चरइ । एयावया दोच्चे चंदायणे समत्ते भवइ । ता णक्खत्ते मासे नो चंदे मासे, चंदे मासे नो णक्खत्ते मासे । ता णक्खत्ताओ मासाओ चंदे चंदेणं मासेणं किमधियं चरइ ? ता दोअद्धमंडलाइं चरइ, अट्ठ य सत्तद्विभागाई अद्धमंडलस्स, सत्तट्ठिभागं च एक्कतीसहा छेत्ता अट्ठारसभागाई। ता तच्चायणगए चंदे पच्चत्थिमाए भागाए पविसमाणे बाहिराणंतरस्स पच्चस्थिमिल्लस्स अद्धमंडलस्स इगतालीसं सत्तद्विभागाइं जाई चंदे अप्पणो परस्स य चिणं पडियरइ, तेरससत्तट्टि भागाइं जाइं चंदे परस्स चिण्णं पडिचरइ, तेरस सत्तद्विभागाइं जाइं चंदे अप्पणो परस्स चिण्णं पडिचरइ । एयावया च बाहिराणंतरे पच्चस्थिमिल्ले अद्धमंडले समत्ते भवइ । ता तच्चायणगए चंदे पुरत्थिमाए भागाए पविसमाणे बाहिरतच्चस्स पुरत्थिमिल्लस्स अद्धमंडलस्स इगतालीसं सत्तट्टि भागाइं जाइं चंदे अप्पणो परस्स चिण्णं पडिचरइ, तेरस सत्तट्ठिभागाइं जाई चंदे परस्स चिण्णं पडिचरइ, तेरस सत्तट्टि भागाई जाई चंदे अप्पणो परस्स य चिण्णं पडिचरइ, एतावताव बाहिरतच्चे पुरथिमिल्ले अद्धमंडले समत्ते भवइ । ता तच्चायणगए चंदे पच्चत्थिमाए भागाए पविसमाणे बाहिर चउत्थस्स पच्चथिमिल्लस्स अद्धमंडलस्स अट्ठसत्तट्ठिभागाइं सत्तद्विभागं च एक्कतीसहा छित्ता अट्ठारसभागाइं जाइं चंदे अप्पणो परस्स य चिण्णं पडिचरइ । एतावता व बाहिरचउत्थ पच्चस्थिमिल्ले अद्धमंडले समत्ते भवइ । एवं खलु चंदेणं मासेणं चंदे तेरस चउप्पण्णगाई दुवे तेरसगाई जाई चंदे परस्स चिण्णं पडिचरइ, तेरस तेरसगाई जाई चंदे अप्पणो चिण्णं पडिचरइ, दुवे इगतालीसगाई अट्ट सद्विभागाई, सत्तट्ठिभागं च एक्कतीसधा छित्ता अट्ठारसभागाइं जाइं चंदे अप्पणो परस्स य चिणं पडिचरइ, अवराई