________________
५२
प्रज्ञापनासूत्रे
नवमं योनिपदम्
मूलम् -कइविहाणं भंते! जोणी पण्णत्ता ? गोयमा ! तिविहा जोणी पण्णत्ता. तं जहा - सीया जोणी, उसिणा जोणी, सीयोसिणा जोणी, नेरइयाणं भंते! किं सीया जोणी, उसिणा जोणी, सीयोसिणा जोणी ? गोयमा ! सीया वि जोणी, उसिणा वि जोणी, णो सीयोसिणा जोणी, असुरकुमाराणं भंते! किं सिया जोणी, उसिणा जोणी, सीयोसिणा जोणी ? गोयमा ! नो सीया जोणी, नो उसिणा जोणी, सीयोसिणा जोणी, एवं जाव थणियकुमाराणं । पुढविकाइयाणं भंते । किं सीया जोणी, उसिणा जोणो, सीयोसिणा जोणी ? गोयमा ! सीया वि जोणी, उसिणा वि जोणी, सीयोसिणा वि जोणी, एवं आउवाउवणस्सइबेईदियतेइंदियचउरिंदियाण वि पत्तेयं भाणियव्वं, ते उक्काइयाणं णो सीया, उसिणा, जो सीयोसिणा, पंचिदियतिरिक्खजोणियाणं भंते! किं सीया जोणी उसिणा जोणी, सीयोसिणा जोणी ? गोयमा ! सीया वि जोणी, उसिणा वि जोणी, सीयोसिणा वि जोणी, संमुच्छिमपंचिदियतिरिक्खजोणियाण वि एवं चेव, गव्भवक्कंतिया पंचिदियतिरिक्खजोणियाणं भंते! किं सीया जोणी, उसिणा जोणी, सीयोसिणा जोणी ? गोयमा ! णो सीया जोणी, नो उसिणा जोणी, सीयोसिणा जोणी, मणुस्साणं भंते! किंसीया जोणी, उसिणा जोणी, सीयोसिणा जोणी ? गोयमा ! सीया वि जोणी, उसिणा वि जोणी, सीयोसिणा वि जोणी, संमुच्छिममणुस्साणं भंते! किं सीपा जोणी, उसिणा जोणी, सीयोसिणा जोणी ? गोयमा ! तिविहा जोणी, गव्भवक्कंतियमणुस्साणं भते ! किं सीया जोणी, उसिणा जोणी, सीयोसिणा जोणी ? गोयमा ! जो सीया जोणी, णो उसिणा जोणी, सीयोसिणा जोणी, वाणमंतराणं देवाणं भंते! किं सीया जोणी, उसिणा जोणी, सीयोसिणा जोणी ? गोयमा ! णो सीया, जो उसिणा, सीयोसिणा जोणी, जोइसियवेमाणियाण वि एवं चेव, एएसि
શ્રી પ્રજ્ઞાપના સૂત્ર : ૩
