________________
प्रमेयबोधिनी टीका पद १५ सू० २ इन्द्रियाणामवगाहनिरूपणम्
॥ नैरयिकादीन्द्रिय वक्तव्यता । मूलम्-नेरइया णं भंते ! कइ इंदिया पण्णता ? गोयमा ! पंच इंदिया पण्णत्ता, तं जहा-सोईदिए, जाव फासिदिए, नेरइयाणं भंते ! सोइंदिए कि संठिए पण्णत्ते ? गोयमा! कलंबुयासंटाणसंठिए पण्णत्ते, एवं जहा ओहियागं वत्तव्वया भणिया तहेव नेरइयाणं पि जाव अप्पा बहुयाणि दोण्णि, नवरं नेरइयाणं भंते! फासिदिए किं संठिए पण्णत्ते? गोयमा ! दुविहे पण्णत्ते, तं जहा-भवधारणिज्जे य उत्तरवेउव्विए य, तत्थ णं जे से भवधारणिज्जे से णं हूंडसंठाणसंठिए पपणत्ते, तत्थ णं जे से उत्तरवेउविए से वि तहेव, सेसं तं चेव, असुरकुमाराणं भंते ! कइ इंदिया पण्णत्ता ? गोयमा ! पंच इंदिया पण्णता, एवं जहा ओहि. याणि जाव अप्पा बहुगाणि दोषिण वि, णवरं फासिदिए दुविहे पण्णत्ते, तं जहा-भवधारणिज्जे य उत्तरवेउदिए य, तत्थ णं जे से भवधारणिज्जे से णं समयउरंससंठाणसंठिए पण्णत्ते, तत्थ णं जे से उत्तरवेउठिवए से णं णाणासंठाणसंठिए, सेसं तं चेव, एवं जाव थणिय. कुमारागं, पुढविक्काइयाणं भंते! कइ इंदिया पण्णत्ता ? गोयमा ! एगेफासिदिए पण्णत्ते, पुढविकाइया णं भंते ! फसिदिए किं संठाणसंठिए पण्णत्ते ? गोयमा ! मसूरचंदसंठाणसंठिए पण्णत्ते, पुढविकाइया णं भंते ! फासिदिए केवइयं बाहल्लेणं पण्णत्ते ? गोयमा ! अंगुलस्त असंखेज्जइभागं बाहल्लेणं पण्णत्ते, पुढविकाइयाणं भंते ! फासि दिए केवइयं पोहत्तेणं पण्णत्ते ? गोयमा ! सरीरप्पमाणमेत्ते पोहत्तेणं, पुढविकाइया णं भंते ! फासिदिए कइ पएसिए पण्णत्ते ? गोयमा ! अणंतपएसिए पण्णत्ते, पुढविकाइयाणं भंते ! फासिदिए कइपएसोगाढे पण्णत्ते ? गोयमा ! असंखेजपएसोगाढे पण्णत्ते, एएसिणं भंते ! पुढ. विक्काइयाणं फासिंदियस्स ओगाहणट्टयाए पएसट्टयाए ओगाहणपए. सट्टयाए कयरे कयरेहितो अप्पा का, बहुया वा, तुल्ला वा, विसेसाहिया
श्री प्रापनासूत्र : 3
