________________
प्रज्ञापनासूत्रे
सणंकुमारे, नवरं छण्हं विमाणावाससहस्साणं तीसाए सामा. णियसाहस्लीणं चउण्ह य तीसाए आयरक्खदेवसाहस्सीणं जाव आहेबच्चं कारेमाणे विहरइ, कहि णं भंते ! आणयपाणयाणं देवाणं पज्जत्तापज्जत्ताणं ठाणा पण्णत्ता ? कहि णं भंते ! आणयपाणया देवा परिवसंति? गोयमा ! सहस्तारस्स कप्पस्स उपि सपक्खि सपडिदिसिं जाव उप्पइत्ता एत्थ णं आणयपाणय नामा दुवे कप्पा पण्णत्ता, पाईण पडीणायया उदीणदाहिणविच्छिण्णा, अट्टचंद संठाणसंठिया अचिमालीभासरासि. प्पभा, सेसं जहा सणंकुमारे जाव पडिरूवा, तत्थ णं आणय पाणयदेवाणं चत्तारि विमाणावाससया भवंतीति मक्खायं जाव पडिरूवा वडिसगा जहा सोहम्मे कप्पे, नवरं मज्झे इत्थ पाणयवडिसए, ते णं वडिसगा सव्वरयणामया, अच्छा जाव पडिरूवा, एत्थ णं आणयपाणयदेवाणं पज्जत्तापजत्ताणं ठाणा पण्णत्ता, तिसु वि लोगस्स असंखेज्जइभागे, तत्थ णं बहवे आणयपाणय देबा परिवसंति, महिड़िया जाव पभासेमाणा, ते णं तत्थ साणं साणं विमाणावाससयाणं जाव विहरंति, पाणय इत्थ देविदे देवराया परिवसइ, जहा सणंकुमारे नवरं चउण्हं विमाणावाससयाणं वीसाए सामाणियसाहस्सीणं असीईए आयरकखदेवसाहस्सीणं, अन्नेसिंच बहूणं जाव विहरइ, कहि णं भंते ! आरणच्चुयाणं देवाणं पज्जत्तापज्जत्ताणं ठाणा पण्णत्ता ? कहि णं भंते ! आरणच्चुया देवा परिवसंति ? गोयमा! आगयपाणयाणं कप्पाणं उप्पि सपक्खि सपडिदिसिं एत्थ णं आरणच्चुया नाम दुवे कप्पा पण्णत्ता, पाईणपडी. णायया उदीणदाहिणविच्छिण्णा अद्धचंदसंठाणसंठिया अच्चिमालीभासरासिवण्णाभा, असंखिज्जाओ जोयणकोडाकोडीओ
શ્રી પ્રજ્ઞાપના સૂત્ર : ૧
