________________
प्रमेयद्योतिका टीका प्र.३ उ.३ सू. ११४ चन्द्रविमानवाहकदेवसंख्यादिनि० ९६५ सोभंतसस्सिरीयाणं पउमुप्पलसगलसुरभिमालाविभूसियाणं वइरखुराणं विविधविखुराणं फालियामयदंताणं तवणिजजीहाणं तवणिज्जतालुयाणं तवणिजजोत्तगसुजोइयाणं कामगमाणं पीइगमाणं मणोगमाणं मणोरमाणं मणोहराणं अमियगईणं अमियबलवीरिय पुरिसकारपरकमाणं महया गंभीरगजियरवेणं मधुरेणं मणहरेण य पूरेता अंबरं दिसाओ य सोभयंता चत्तारि देव साहस्सीओ वसभरूवधारिणं देवाणं पञ्चथिमिल्लं बाहं परिवहति ।
चंद विमाणस्स णं उत्तरेणं सेयाणं सुभगाणं सुप्पभाणं जच्चाणं तरमल्लिहायणाणं हरिमेलामदुलमल्लियच्छाणं घणणिचियसुबद्धलक्खपुण्णयाचंकमि (चंचुच्चि) यललियपुलियचल. चवलचंचलगईणं लंधणवग्गणधावणधारणइवइजईणसिक्खियगईणं सण्णयपासाणं ललंतलामगलायवरभूसणाणं संणयपासाणं संगयपासाणं सुजायपासाणं मियमायितपीणरइयपासाणं झसविहगसुजायकुच्छीणं पीणपीवरवट्टियसुसंठियकडीणं ओलंबपल्लवलक्खणपमाणजुत्तपसत्थरमणिज्जबालगंडाणं तणुसुहमसुजायणिद्धलोमच्छविधराणं मिउविसयपसत्थसुहमल. क्खण विकिण्णकेसरवालिधराणं ललियसविलासगई (ललंत थासगल) लाडवरभूसणाणं मुहमंडगोचूलचमरथासगपरिमंडियकडीणं तवणिजखुराणं तवणिज्जजीहाणं तवणिज्जतालुयाणं तवणिज्जजोतगसुजोइयाणं कामगमाणं पीइगमाण मणोगमाणं मणोहराणं अमियगईणं अमियबलवीरियपुरिसकारपरकमाणं महया हयहेसियकिलकिलाइयरवेणं महुरेणं मणहरेण य रेता अंबरं दिसाओ य सोभयंता चत्तारि देव साहस्सीओ हयरूवधारिणं उत्तरिल्लं वाहं परिवहति ।
જીવાભિગમસૂત્ર
