________________
९४६
जीवाभिगमसूत्रे एक्कारसहिं एकवीसेहिं अबाधाए जोइसं चारं चरइ । लोगताओ णं भंते ! केवइयं अबाधाए जोइसे पन्नत्ते ? गोयमा! एकारसहिं एकारेहिं जोयणसएहिं अबाधाए जोइसे पन्नत्ते । इमीसेणं भंते ! रयणप्पभाए पुढवीए बहुसमरमणिज्जाओ भूमिभागाओ केवइयं अबाहाए सव्व हेटिल्ले तारारूवे चारं चरइ ? केवइयं अबाहाए सूरविमाणे चारं चरइ ? केवइयं अबाहाए चंदविमाणे चारं चरइ ? केवइयं अवाहाए सव्वउवरिल्ले तारारूवे चारं चरइ ? गोयमा ! इमीसेणं रयणप्पभाए पुढवीए बहुसमरमणिज्जाओ भूमिभागाओ सत्तहिं णउएहिं जोयणसएहिं अबाहाए जोइसं (सव्व) हेट्रिल्ले तारारूवे चारं चरइ, अहिं जोयणसएहिं अबाहाए सूरविमाणे चारं चरइ, अहिं असीएहिं जोयणसएहिं अबाहाए चंदविमाणे चारं चरइ, नवहिं जोयणसएहिं अबाहाए सव्व उवरिल्ले तारारूवे चारं चरइ । सव्व हेट्रिमिल्लाओ णं भंते ! तारारूबाओ केवइयं अबाहाए सूरविमाणे चारं चरइ ? केवइयं अबाहाए चंदविमाणे चारं चरइ ? केवइयं अबाहाए सव्वउवरिल्ले तारारूवे चारं चरइ ? गोयमा ! सव्वहेट्रिल्लाओ णं दसहिं जोयणेहिं सूरविमाणे चारं चरइ, णउईए जोयणेहिं अबाहाए चंदविमाणे चारं चरइ, दसुत्तरे जोयणसए अबाहाए सव्वोवरिल्ले तारारूवे चारं चरइ । सूरविमाणाओ णं भंते ! केवइयं अबाहाए चंदविमाणे चारं चरइ ? केवइयं सव्वउवरिल्ले तारारूवे चारं चरइ ? गोयमा ! सूरविमाणाओ णं असीए जोयणेहिं चंदविमाणे चारं चरइ, जोयणसए अबाहाए सव्वोवरिल्ले तारारूवे चारं चरइ । चंदविमाणाओ णं भंते ! केवइयं अबाहाए सव्व उवरिल्ले तारारूवे चारं चरइ ? गोयमा ! चंदविमाणाओ णं वीसाए जोयणेहिं अबाहाए सव्व उवरिल्ले
જીવાભિગમસૂત્ર
