________________
७६४
जीवाभिगमसूत्रे गोयमा! माणुसुत्तरेणं पवए सत्तरस एकवीसाइं जोयणसयाई उड़दं उच्चत्तेणं चत्तारि तीसे जोयणसए कोसं च उव्वेहेणं मूले दस बावीसे जोयणसए विक्खंभेणं मज्झे सत्त तेवीसे जोयणसए विक्खंभेणं उवरि चत्तारि चउवीसे जोयणसए विक्खंभेणं अंतो गिरि परिरएणं-एगा जोयण कोडी बायालीसं च सयसहस्साइं । तीसं च सहस्साई दोण्हि य अउणापण्णे जोयणसए किंचि विसेसाहिए परिक्खेवेणं, बाहिर गिरि परिरएणं एगा जोयणकोडी बायालीसं च सयसहस्साइं छत्तीसं च सहस्साइं सत्त चोदसोत्तरे जोयणसए परिक्खेवेणं, मज्झे गिरि परिरएणं एगा जोयणकोडी बायालीसं च सयसहस्साइं चोत्तीसं च सहस्सा अट्ट तेवीसे जोयणसए परिक्खेवेणं उवरि गिरि परिरएणं एगा जोयणकोडी बायालीसं च सयसहस्साई बत्तीसं च सयसहस्साइं नव च बत्तीसे जोयणसए परिक्खेवेणं, मूले विच्छिन्ने मज्झे संक्खित्ते उप्पि तणुए अंतो सण्हे मज्झे उदग्गे बाहिं दरिसणिज्जे ईसिं सण्णिसण्णे सीह णिसाई अवद्ध जवरासि संठाणसंठिए सव्व जंबूणयामए अच्छे सण्हे जाव पडिरूवे, उभओ पासिं दोहिं पउमवरवेइयाहिं दोहिं य वणसंडेहिं सव्वओ समंता संपरिक्खित्ते वण्णओ दोण्ह वि । से केणटेणं भंते ! एवं वुच्चइ माणुसुत्तरे पव्वए ? माणुसुत्तरे पव्वए ? गोयमा ! माणुसुत्तरस्स णं पव्वयस्स अंतो मणुया उप्पि सुवण्णा वाहिं देवा अदुत्तरं च णं गोयमा ! माणुसुत्तर पव्वयं मणुया ण कयाइ विइवइंसु वा वीइवयंति वा वीइवइस्संति वा णण्णत्थ चारणेहिं वा विजाहरेहिं वा देवकम्मुणा वाविं, से तेणटेणं गोयमा ! अदुत्तरं च णं जाव णिच्चइ । जावं च णं माणुसुत्तरे पव्वए तावं च णं अस्सि लोएत्ति पवुच्चइ,
જીવાભિગમસૂત્ર
